Indonezııadaǵy jer silkinisinen ondaǵan adam zardap shekti

ASTANA. KAZINFORM – Indonezııanyń Ortalyq Sýlavesı provıntsııasynda jeksenbi kúni tańerteń 6 baldyq jer silkinisi boldy, dep habarlaıdy Kazinform Reuters agenttigine silteme jasap.

– Jaraqat alǵan 29 adamnyń ekeýiniń jaǵdaıy aýyr, - dep habarlady Tabıǵı apattardyń saldaryn joıý agenttigi (BNPB). 

Indonezııa «Tynyq muhıttyq órt saqınasy» dep atalatyn jerde, jer qyrtysynyń ártúrli plıtalary túıisken qarqyndy seısmıkalyq belsendilik aımaǵynda ornalasqan. Mundaǵy barlyq jer silkinisiniń 90%-y osy aımaqta bolady. 

Eske sala keteıik, buǵan deıin Kamchatka tarıhynda eń kúshti jer silkinisi tirkelgenin jazǵan edik. Atalǵan aımaqtaǵy tabıǵat apatyna baılanysty Kamchatkada tótenshe jaǵdaı jarııalanǵan bolatyn.