Indonezııada 6,0 magnıtýdasymen jer silkindi

DJAKARTA. SINЬHÝA–QazAqparat – Indonezııa shyǵysyndaǵy Papýa provıntsııasynda dúısenbi kúni 6,0 magnıtýdasymen jer silkindi. Tsýnamı bolǵan joq. Bul týraly Indonezııa Meteorologııa, klımatologııa jáne geofızıka agenttigi jer silkinisi men tsýnamı saldaryn joıý bóliminiń basshysy Darıono málim etken, dep habarlaıdy QazAqparat Sınhýa-ǵa silteme jasap.

Darıononyń aıtýynsha, agenttik aldymen 6,2 magnıtýdaly jer silkinisi týraly habar taratqan, keıin túzetý engizgen.

Jer silkinisi Djakarta ýaqytymen tańǵy 9:51-de bolǵan. Epıtsentri Keerom okrýginen ońtústik-batysqa qaraı 79 shaqyrym qashyqtyqta, 10 shaqyrym tereńdikte ornalasty.

Sheneýnik zilzaladan qatty terbelis bolmaǵanyn málim etti.