Indonezııa men Taılandtaǵy tabıǵı apat: gýmanıtarlyq kómek talan-tarajǵa túsken
ASTANA. KAZINFORM — Indonezııa men Taılandta tropıkalyq daýyl saldarynan 4 mıllıonnan astam turǵyn zardap shegip, 600-den astam adam kóz jumdy. Jergilikti bılik gýmanıtarlyq kómektiń talan-tarajǵa túskenin habarlady, dep jazdy Sky News.
Shrı-Lankada tsıklonnyń kesirinen 200-den astam adam qaıtys boldy.
Sońǵy málimet boıynsha Indonezııada kem degende 435 adam, Taılandtyń ońtústiginde 170 adam, al Malaızııada úsh adam aýa raıynyń qolaısyzdyǵyna baılanysty kóz jumdy. Jeksenbi kúni tústen keıin qaza bolǵandardyń sany tek eń qatty zardap shekken eki elde 442-ge jetti, apattyń kólemi men zardap shekkender týraly aqparat áli anyqtalyp jatyr.
Tabıǵat apatynan 4 mıllıonnan astam adam zardap shekti: Taılandtyń ońtústiginde úsh mıllıonǵa jýyq jáne Indonezııanyń batysynda shamamen 1,1 mıllıon adam.
Indonezııalyq qutqarýshylar tikushaqtardy Sýmatra aralyndaǵy oqshaýlanǵan aýdandaryna azyq-túlik pen dári-dármek jetkizý úshin paıdalanyp otyr. Zardap shekken birneshe aýdanda baılanys úzilip, keıbir telekommýnıkatsııalyq ınfraqurylym zaqymdanǵan. Ol aýmaqtarǵa kólikpen jetý múmkin emes.
Jergilikti bılik gýmanıtarlyq kómektiń talan-tarajǵa túskenin habarlady. Qazir turǵyndar kez kelgen kómekke muqtaj.
Qutqarý jumystary táýlik boıy jalǵasyp jatyr. Biraq qırandylardyń kóptigi men kúrdeli aýa raıy tótenshe jaǵdaılar qyzmetiniń jumysyn aıtarlyqtaı qıyndatyp otyr.
Aıta keteıik, Memleket basshysy Indonezııa Prezıdenti men Taılandtyń Premer-mınıstrine kóńil aıtý jedelhatyn joldaǵan bolatyn.