Indıra Tursynbaı «Balapan» telearnasynyń dırektory boldy
«Qazir «Balapan» telearnasynyń aldynda turǵan negizgi mindet - balalar kontentin óndirýshiler arasyndaǵy básekelestikte alda bolý, anımatsııa óndirisin keńeıtý. Ol úshin eń aldymen ónimder sapasyn budan ári arttyrý maqsaty tur. Búginde balalar kontentin óndiretin túrli otandyq jáne álemdik jańa platformalar paıda boldy, básekelestik myqty bolǵandyqtan, teleóndiriste kreatıvti ıdeıalardy iske asyrý mańyzdy. Bul baǵytta naryqtaǵy jańashyl maman retinde Indıra Tursynbaıdyń tájirıbesi balalar arnasy úshin paıdaly bolady dep senemiz», - dedi Korporatsııanyń basqarma tóraǵasy Lázzat Tanysbaı.
Indıra Tursynbaı 2003 jyldan beri «Qazaqstan», «Astana», «Evrazııa», «Almaty» telearnalarynda júrgizýshi, jýrnalıst, jańalyqtar tilshisi bolyp eńbek etken. Sońǵy jyldary jeke prodakshn kompanııalarda basshylyq qyzmetter atqardy.
Basqarma tóraǵasy buǵan deıin telearnaǵa jetekshilik etken Qymbat Dosjanǵa alǵys bildirdi.
Foto: facebook.com/qazaqstantv
