Ilon Mask basqaratyn SpaceX kompanııasy 600 qyzmetkerdi jumystan shyǵarady

ASTANA. QazAqparat - Ilon Mask basqaratyn SpaceX kompanııasy juma kúni shamamen 600 qyzmetkerdi, atap aıtqanda 6000 qyzmetkerdiń 10 paıyzyn jumystan shyǵaratynyn málimdedi, dep habarlaıdy QazAqparat Los Angeles Times basylymyna silteme jasap.

Osyǵan baılanysty kompanııa prezıdenti Gvınn Shotýell qyzmetkerlerge arnaıy hat joldady. Onda ol bul sheshimniń asa qıynǵa túskenin, biraq olaı istemese taǵy bolmaıtynyn túsindirgen.

«Klıentterge minsiz qyzmet kórsetýdi jalǵastyryp, planetaaralyq kosmos apparattary men ǵalamdyq ınternetti jasaýda jetistikke jetý úshin SpaceX áldeqaıda shaǵyn, yqsham kompanııaǵa aınalýy tıis. Sol úshin biz birqatar talantty jáne eńbekqor qyzmetkerlermen qosh aıtysýǵa májbúrmiz», - delingen kommpanııanyń málimdemesinde.

Aıta ketý kerek, kompanııa ótken jyly SpaceX - 21 spýtnıkterin ushyrýdy ulǵaıtsa da, ol arasynda qyzmetkerlerin shetinen qysqartyp otyrǵan. Degenmen, bul jolǵy qysqartý aýqymdy bolǵaly tur.