Іlııas Jansúgirovtiń «Qulageri» aǵylshyn tiline aýdaryldy
QR Ulttyq akademııalyq kitaphanasynan málim etkendeı, «Qulager» poemasy aǵylshyn tiline alǵash ret aýdarylyp otyr jáne ol aqynnyń 125 jyldyǵyna oraılastyrylǵan.
"Pasternak, Mandelshtam jáne Tsvetaevanyń aýdarmalarymen jaqsy tanys aǵylshyn aqyny jáne aýdarmashy Belında Kýk Іlııas Jansúgirov qoryna óz jumystarymen kelgen bolatyn. Degenmen, naqty bul kitapta aýdarmamen qazaqy túpnusqasynan qazaq jáne aǵylshyn tilderin jaqsy biletin aýdarmashylar men keńesshiler toby jumys istedi. Onyń arnaıy poetıkalyq úlgisi men metaforalyq dybys júıeleri jasalǵannan keıin ǵana Belında Kýkqa jiberildi. Basylymǵa ulttyq aýdarma agenttigi demeýshilik etti. Maqsaty - qazaq ádebıeti men mádenıetiniń úzdik úlgilerin halyqaralyq aýdıtorııaǵa jetkizý. Illıýstratsııalardy D.Qasteev jasady", - delingen baspasóz habarlamasynda.
Kitap 2 sáýir kúni QR Ulttyq akademııalyq kitaphanasynda tanystyrylady. Oǵan aýdarma avtory Belında Kýk, Gollandııadan jáne Ulybrıtanııadan kelgen keńesshiler, Qazaqstan, AQSh, Túrkııa túrkitanýshylary, fılologtar, sondaı-aq aqynnyń urpaqtary qatysatyny kútilýde.
Tusaýkeser Elbasynyń «Uly dalanyń jeti qyry» atty maqalasyn júzege iske asyrý aıasynda ótkiziledi.
