Іlııas Jansúgirovtiń «Qulager» poemasy aǵylshyn tilinde jaryq kórdi

ASTANA. QazAqparat - Іlııas Jansúgirovtiń «Qulager» poemasy aǵylshyn tilinde jaryq kórdi. Bul týraly Feısbýkte Qaldygúl Janybaeva jazdy, dep habarlaıdy QazAqparat.

«Qazaqtyń taǵy bir uly týyndysy jahandaný zamanyna sapar shekti. Іlııas Jansúgirovtyń uly shyǵarmasy «Qulager» poemasy aǵylshyn tilinde jaryq kórdi. Aǵylshyn tilindegi basylymǵa uıytqy bolǵan Janar Jandosovany, aýdarmashy Belındany, aqynnyń ómiri men shyǵarmashylyǵyna tereń taldaý jasap, alǵysóz jazǵan Zıfa Áýezovany, kitapty rýhyn qazaqsha, formasyn eýropasha bezendirgen Dáýren Qasteevti quttyqtaımyz!

Kóne Qurlyqqa saparyń oń bolsyn, «Qulager» dastan!», - dep jazdy Qaldygúl Janybaeva.

Eske sala ketsek, 2016 jyly poema nemis tiline qazaqsha túpnusqasynan tikeleı aýdarylyp, Qazaqstan-Gete ınstıtýtynyń qoldaýymen «Büchergilde» (Germanııa) baspasynda basylyp shyqqan bolatyn.