Іlııas Jansúgirovtiń 125 jyldyǵynda 25 tom kitap jaryq kórmek

TALDYQORǴAN. QazAqparat - Bıyl qazaqtyń dúldúl aqyny, jyr qulageri Іlııas Jansúgirovtyń týǵanyna - 125 jyl. Mereıtoı aıasynda qalamgerdiń 25 tomdyq kitaby basylyp shyǵady, dep habarlaıdy QazAqparat tilshisi.

Aqynnyń 125 jyldyǵyn atap ótýdiń jospary bekitilip, mereıtoı aıasynda kóptegen sharalar belgilendi. Taldyqorǵan qalasynda Jansúgirov taǵylymy atty respýblıkalyq ǵylymı-tájirıbelik konferentsııa ótip, birneshe kitaptyń tusaýy kesildi. Aldaǵy ýaqytta aqyn ómiri men shyǵarmashylyǵynyń aqtańdaq tustary aıtylyp, buryn-sońdy jaryqqa shyqpaǵan týyndylary oqyrmanǵa jol tartpaq.

Fılologııa ǵylymdarynyń doktory, professor, ilııastanýshy Muratbek Imanǵazınovtyń aıtýynsha aqynnyń áli esh jerde basylyp shyqpaǵan shyǵarmalary kóp.

«Máselen: «Rústem qyrǵyny», sodan keıin «Baqytty Jamal», «Muzqala», «Isataı-Mahambet» pesasy, «Maqpal» pesalary. Birqatary bar, bireýi múldem joq. Attary bar, tizimde jazylǵan, biraq sol kitaptary óz basynda shyqpaı qaldy, joǵalyp ketti», - deıdi ǵalym.

Іlııas Jansúgirov atyndaǵy Jetisý memlekettik ýnıversıtetiniń ǵalymdary dál osy joǵalǵan dúnıelerdiń birazyn izdep tapty. Óńdedi. Mereıtoı aıasynda 25 tomdyq kitap retinde shyǵarmaq. Al aqynnyń týystary bolsa qalamgerdiń týyndylaryn shet tilderine aýdartyp, Jansúgirovti jahanǵa tanytýdyń joldaryn qarastyryp jatyr.

«Jýyrda ǵana aqynnyń «Qulager» poemasy aǵylshyn tilinde jaryq kórdi. Biraz shyǵarmalary nemis tiline aýdaryldy», - deıdi Іlııas Jansúgirovtiń kelini Qarlyǵash Qańtarbaeva.

Qalamgerdiń 125 jyldyǵy keń kólemde aqynnyń kindik qany tamǵan Aqsý aýdanynda toılanady. Qazirgi tańda aýdan ortalyǵy Jansúgirov aýylynyń kósheleri abattandyrylyp, joldary jóndelip jatyr.