Ylǵaldy kóp qajet etetin daqyldar alqaby qysqartylady - AShM
ASTANA. KAZINFORM – Bıyl kúrish pen maqta alqaptary 22 myń gektardan astamǵa qysqartylady. Bul týraly Úkimet otyrysynda Aýyl sharýashylyǵy mınıstri Aıdarbek Saparov aıtty.
«Úkimet tapsyrmasyn jáne vegetatsııa kezeńinde fermerlerdi sýarmaly sýmen qamtamasyz etýde týyndaıtyn problemalardy eskere otyryp, ylǵaldy kóp qajet etetin daqyldar alańdaryn qysqartý boıynsha jumystar júrgizilýde. Bıyl ótken jylmen salystyrǵanda maqta alqaptarynyń 116 myń gektardan 100 myń gektarǵa deıin, ıaǵnı, 16 myń gektarǵa qysqarýy boljanyp otyr. Kúrish alqaptary 6,4 myń gektarǵa qysqaryp, 93,9 myń gektardy quraıdy», - dedi ol.
Jalpy, mınıstrdiń sózine qaraǵanda, astyq daqyldary, kókónis-baqsha daqyldary, kartop boıynsha josparlanǵan alańdar ishki naryqtyń qajettilikterin tolyq qamtamasyz etýge múmkindik beredi.
