Іle-Balqash rezervatyna Qyzyl kitapqa engen 61 buǵy jiberiledi
Ekologııa, geologııa jáne tabıǵı resýrstar mınıstrliginiń málimetinshe, Іle-Balqash rezervatyna buqar buǵysy úshinshi ret jiberilgeli otyr. Bul jolǵy buǵy sany bárinen kóp.
Esterińizge sala keteıik, alǵashqy engizilim 2019 jyly, rezervat aýmaǵyna alǵashqy 5 Buqar buǵysy qonystanǵan kezde júzege asqan bolatyn.
2020 jyly oǵan taǵy 14 eresek buǵy men 1 buǵynyń laǵy qosyldy.
«Ekologııa mınıstrligi jabaıy tabıǵat qorymen (WWF) birge 61 buǵy ákel ýdi josparlap otyr jáne bul - bir jyldaǵy rekordtyq kórsetkish. Shyǵarý aımaǵynda tabıǵatqa shyqqan buǵylardy baqylaý úshin fototuzaq qoıyldy. Buǵylardyń popýlıatsııasyn baqylaýdy kúsheıtý úshin jalpy alǵanda 9 spýtnıktik jaǵabaý paıdalanylady», - dep habarlady Almaty oblystyq orman sharýashylyǵy jáne janýarlar dúnıesi aýmaqtyq ınspektsııasynyń bólim basshysy Leonıd Sıdorenko.
Mamandardyń aıtýynsha, bul tehnologııalar búkil álemde qoldanylady, olardyń kómegimen buǵynyń qozǵalysyn baqylaýǵa bolady.
Qurylǵylar aýyrtpalyqsyz ornatylady jáne janýarlarǵa eshqandaı zııan keltirmeıdi.
Buqar buǵysy Almaty oblysy Balqash aýdanynyń aýmaǵynda keń taralǵan. Alaıda, ótken ǵasyrdyń basynda bul túr joǵala bastady.
Birneshe onjyldyq ótken soń, ol Qazaqstannyń tabıǵatynan múldem joǵalyp ketken bolatyn. Búgingi tańda Buhara buǵysynyń búkil álemdegi sany - 3500.
«Іle-Balqash rezervatynda buhar buǵylarynyń popýlıatsııasyn qalpyna keltirý óte tabysty júrip jatyr. Biz buǵylardyń beıimdelgenin jáne buǵylardyń sátti tóldeýin kórip otyrmyz. Aldyn ala baǵalaý boıynsha, qazir tabıǵatta 100-ge jýyq buǵy bar», - deıdi WWF Ortalyq Azııa baǵdarlamasynyń dırektory Grıgorıı Mazmanıants.
Toǵaı nemese Buqar buǵysy Qazaqstannyń Qyzyl kitabyna engizilgen jáne Buqar buǵylaryn saqtaý jáne qalpyna keltirý máseleleri boıynsha ózara túsinistik týraly memorandýmmen halyqaralyq deńgeıde qorǵalady.
Dúnıejúzilik jabaıy tabıǵat qorynyń arqasynda buǵy 100 jyl ishinde alǵash ret Ońtústik Balqash aımaǵynda paıda boldy.
Buqar buǵylarynyń Balqash aýdanynyń jabaıy tabıǵatyna oralýy - jolbarys reıntrodýktsııasy baǵdarlamasynyń mańyzdy kezeńi.
Ony Reseıdiń WWF jáne QR ekologııa, geologııa jáne tabıǵı resýrstar mınıstrligi birlesip júzege asyryp keledi.
Іle-Balqash rezervatynda jolbarystyń mekendeıtin jerinde jaramdy ekojúıeni qalpyna keltirý josparlanyp otyrǵany belgili.
Reıntrodýktsııalaý baǵdarlamasyna saqtalǵan jabaıy tabıǵatty qorǵaý jáne jolaqty jyrtqysh, sondaı-aq qulan, aqbóken jáne qaraquıryq ratsıonynyń negizi bolyp tabylatyn tuıaqty janýarlar (toǵaı buǵysy, elik, jabaıy qaban) popýlıatsııasyn qalpyna keltirý jónindegi is-sharalar josparlanǵan.
