Ilıa Ilın taldyqorǵandyqtarmen birge Konstıtýtsııa kúnin toılady
Esterińizge sala keteıik, sporttyq jarystardan shekteý merzimi aıaqtalǵan aýyr atlet Taldyqorǵanda ótip jatqan Qazaqstan chempıonatyna qatysady. Bul dodada Ilıa Ilın 102 kg salmaqta baǵyn synaıdy. Sportshy 2 qyrkúıek kúni óner kórsetedi.
«Jastar» saıabaǵynda ótken saltanatty sharada kontserttik baǵdarlamalar men túrli sporttyq jarystar uıymdastyrylyp, halyqqa merekelik kóńil-kúı syılady. Almaty oblysynyń ákimi Amandyq Batalov jetisýlyqtardy Konstıtýtsııa kúnimen quttyqtap, jyly lebizin bildirdi.
«1995 jyldyń 30 tamyzy - táýelsiz Qazaqstannyń qalyptasý tarıhyndaǵy asa mańyzdy kezeń. Dál osy kúni qabyldanǵan negiz qalaýshy Zań elimizdiń qarqyndy damýy úshin jaǵdaı jasap, konstıtýtsııalyq quqyq pen normalar memlekettik jáne qoǵamdyq qurylysqa berik endi. Memleket basshysy Nursultan Ábishuly Nazarbaev Negizgi Zańǵa súıene otyryp, árqaısysy azamattardyń ál-aýqatyn arttyrýǵa baǵyttalǵan zamanaýı salalardy damytý, keleshegi bar baǵyttardy nyǵaıtý, áleýmettik-ekonomıkalyq áleýetti jaqsartý saıasatyn júrgizip keledi. Muny turǵyn úıler men asa mańyzdy áleýmettik nysandar qurylysy belsendi júrgizilip, ónerkásip pen aýylsharýashylyǵy qarqyndy túrde damyp, iri jobalar júıeli túrde júzege asyrylyp otyrǵan Almaty oblysynyń búgingi jaǵdaıynan-aq aıqyn ańǵarýǵa bolady. Elimizdiń Basty Zańynyń jasampazdyq áleýetin retimen júzege asyra otyryp, týǵan ólkeni gúldendirýge baǵyttalǵan jańa jeńister men jetistikterge qol jetkizetinimizge senimdimin», - dedi óńir basshysy óz quttyqtaýynda.
