Ilham Álıev: Nursultan Nazarbaev – Ázerbaıjannyń naǵyz dosy

NUR-SULTAN. QazAqparat - Nursultan Nazarbaev Ázerbaıjan Respýblıkasynyń Prezıdenti Ilham Álıevpen telefon arqyly sóılesti, dep habarlaıdy QazAqparat elbasy.kz-ke silteme jasap.

Ázerbaıjan Prezıdenti Elbasyn 80 jasqa tolýymen quttyqtap, myqty densaýlyq, baq-bereke jáne baýyrlas Qazaqstan halqynyń ıgiligi jolyndaǵy jasampaz isterine tabys tiledi.

Ilham Álıev Nursultan Nazarbaevtyń Ázerbaıjannyń naǵyz dosy ekenin aıtyp, Qazaqstan-Ázirbaıjan qatynastarynyń negizin qalaýǵa, sondaı-aq túrkitildes elder arasyndaǵy yntymaqtastyqty nyǵaıtýǵa zor úles qosqanyn atap ótti.

Elbasy Ázerbaıjan kóshbasshysyna júrekjardy quttyqtaýy úshin alǵysyn bildirip, ǵasyrlar boıy eki eldi biriktirip kele jatqan dostyq pen tatý kórshilik dástúrlerdi nyǵaıtýdy qoldaıtynyn aıtty.

Telefon arqyly sóılesýge Ázerbaıjan tarapy bastamashy boldy.