IKomek ortalyǵynyń tájirıbesi Qazaqstannyń barlyq óńirlerine engiziledi
Qonaqtar 109 ıntellektýaldy baılanys ortalyǵynyń, biryńǵaı qalalyq beınebaqylaý júıesi men taldaý ortalyǵynyń jumysymen tanysty. Elbasy Nursultan Nazarbaevtyń tapsyrmasymen, qalalar, aýdandar ákimderi tsıfrlyq tehnologııalardy paıdalana otyryp, ashyq kedergisiz keńistikte bir tereze qaǵıdasy boıynsha halyqqa qyzmet kórsetý júıesin engizýi qajet. Mundaı tıimdi qyzmet kórsetýdiń úlgisi - elordalyq iKomek monıtorıng jáne jedel áreket etý ortalyǵy bolyp tabylady. iKomek ortalyǵy 2018 jyldyń basynan beri oryn alǵan jaǵdaıattar men apattardy sheshýde kommýnaldyq jáne jedel qyzmetter jumysyn úılestirý jáne baqylaý, sonymen qatar azamattardyń ótinishterin qabyldaý maqsatynda jumys isteıdi.
«2018 jyldyń basynan iKomek ortalyǵyna mıllıonnan astam ótinish kelip tústi. Onyń 77% «birinshi qońyraýdan-aq» sheshildi. 2019 jyldyń basynan 570 myń ótinish qabyldandy. Qala turǵyndaryna qyzmet kórsetetin 17 ákimdik basqarmasy, 33 kommýnaldyq jáne avarııalyq qyzmetter, 81 lıft sharýashylyǵy, 605 PIK pen 13 memlekettik medıtsınalyq uıym qazir «109» nómirimen almastyryldy. Ótinishterdiń negizgi legi (74%) 109 telefon nómiri arqyly kelip túsedi. Alaıda bir aı buryn bul paıyzdyq kórsetkish 85%-ǵa jetti. 4 naýryzda biz ótinishterdi endi + 7 747 109 0 109 whatsapp nómiri arqyly da qabyldaıtynymyzdy jarııalaǵan bolatynbyz. Bir aı ishinde biz ótinishterdiń tsıfrlyq formatqa aýysyn 11 %-ǵa jetkizdik. Buǵan deıin bizde basqa da ótinish berý tásilderi jumys istep kelgen (telegram, ákimdik saıty, mobıldi qosymsha)» - dedi iKomek ortalyǵynyń basshysy Jannat Dúbirova.
Munan basqa, iKomek ortalyǵynyń qyzmeti aıasynda búgin strategııalyq KPIs, elordany damytý jobalary, azamattardyń ótinishterimen jumys isteý, qalanyń júıeli túıtkilderi sııaqty qalany basqarýdaǵy basty máseleler tolyqtaı tsıfrlanǵan jáne olarǵa onlaın túrde monıtorıng jasalady.
«Qala damýy men qalalyq servısterdiń strategııalyq KPIs úsh deńgeıli júıege baǵynady. Árbir kórsetkish ákimniń jetekshilik etýshi orynbasary men basqarma basshysyna bekitilgen. Buryn tıimdilik kórsetkishteri jylyna bir ret baǵalanyp, málimetterdi jınap, esepteý kóp jumysty qajet etetin bolsa, qazir olar avtomatty túrde sanalady, aqparat Statıstıka men Joba keńsesinen alynady. Árbir basshy jetistikke jetý progresin kórip, nátıjege jetpeı qalatyndaı qaýip bolsa, tıisti shara qabyldaı alady. Nur-Sultan qalasy ákimdiginiń apparat májilisterindegi esepter azamattardyń ótinishteri boıynsha qalanyń júıeli túıtkilderine sáıkes qatań túrde tyńdalady» - deıdi Jannat Dúbirova.
Kásiporynǵa qala aýmaǵynda ornalasqan, adam kóp jınalatyn oryndardy qamtıtyn 6 myńnan astam beınebaqylaý kamerasy qosyldy. Búgingi tańda iKomek ortalyǵy jaǵdaıattardyń ýaqytyly sheshilýin, elorda tynys-tirshiligine monıtorıng jáne taldaý júrgizilýin úılestiretin qural retinde qyzmet etedi.
