III Túrki ýnıversıadasyna Qazaqstan atynan 66 stýdent-sportshy qatysady
ASTANA. KAZINFORM — 2025 jylǵy 3-9 qyrkúıek aralyǵynda Qyrǵyz Respýblıkasynyń Cholpon-Ata qalasynda joǵary oqý oryndarynyń stýdentteri arasynda III Túrki ýnıversıadasy ótedi. Bul týraly Ǵylym jáne joǵary bilim mınıstrligi málim etti.
— Ýnıversıadaǵa Túrki memleketteri uıymyna múshe elderdiń (Qazaqstan Respýblıkasy, Ázerbaıjan Respýblıkasy, Qyrǵyz Respýblıkasy, Túrkııa Respýblıkasy, Ózbekstan Respýblıkasy) stýdent-sportshylary qatysady. Jarys voleıbol, fýtzal, ústel tennısi, shahmat, dzıýdo, erkin kúres jáne grek-rım kúresi sııaqty 7 sport túri boıynsha ótedi, — delingen habarlamada.
Ýnıversıadanyń saltanatty ashylý rásimi 4 qyrkúıekte saǵat 18:00–de, jabylý rásimi 8 qyrkúıekte saǵat 18:00–de ótedi.
Qazaqstan atynan 15 joǵary oqý ornynan 66 sportshy 7 sport túri boıynsha el namysyn qorǵaıdy.
Aıta ketý kerek, II Túrki ýnıversıadasy da osy 7 sport túri boıynsha 2023 jylǵy 5-10 qarasha aralyǵynda Túrkistan qalasynda ótkizilgen. II Túrki ýnıversıadasyna Túrki memleketteri uıymyna múshe 5 elden 445 delegat qatysty.
QR Ǵylym jáne joǵary bilim mınıstrligi stýdentterdiń respýblıkalyq jáne halyqaralyq deńgeıdegi sporttyq is-sharalarǵa belsendi qatysýyna yqpal etýdi jalǵastyryp keledi.
Aıta keteıik, buǵan deıin Astanada brıtandyq ýnıversıtettiń fılıaly ashylǵanyn jazǵan edik.