ІІІ Abaı oqýlarynyń jeńimpazdary anyqtaldy
Sharanyń shymyldyǵyn Elbasy kitaphanasynyń dırektory, professor Ámirhan Rahymjanov ashty.
«Elbasy kitaphanasynyń «Abaı oqýlary» ádebıet saıysynyń bastamashysy bolýy kezdeısoqtyq emes. «Abaı – qazaq halqynyń rýhanı kósemi» degen Tuńǵysh Prezıdent – Elbasy Nursultan Nazarbaev ómirbaıandyq týyndylarynda bala kezinen ultymyzdyń rýhanı maqtanyshy, dana Abaıdyń shyǵarmalarymen ósip, tárbıe alǵanyn árqashan da maqtan tutatynyn aıtady. Elbasymyzdyń osydan eki jyl buryn jarııalaǵan «Rýhanı jańǵyrý: bolashaqqa baǵdar» maqalasy Abaıdyń uly jolyn jalǵastyrǵan eldiń rýhyn kótergen mańyzdy tarıhı oqıǵa boldy. Abaı qashan da qazaq halqynyń rýhanı uly kóshiniń basynda. Abaı sózi, Abaı ánderi máńgi jańǵyra, jańara bermek», - dedi Ámirhan Rahymjanov.
Joba, eń aldymen, jastarǵa baǵyttalsa da elimizdiń barlyq óńirlerin qamtıtyn túrli jastaǵy turǵyndar men ár salada eńbek etetin mamandardyń basyn qosty. Baıqaýǵa qatysýshylardyń sany byltyrǵymen salystyrǵanda kóbeıgen. Dástúrli saıysqa elimizdiń túkpir-túkpirinen jáne alys-jaqyn shet elderden eki júzdiń ústinde ótinim kelip túsken. Onyń ishine Eýropa men Azııa elderin jáne TMD elderinen joldanǵan jumystar da bar. Al, 20 myńnan astam paıdalanýshy Facebook, Instagram jáne basqa da áleýmettik jeliler arqyly saıysty pikir qaldyrý, «lúpil» qoıýmen qoldady.
Baıqaý qorytyndysy boıynsha tómendegi qatysýshylar jeńimpaz atandy:
Bas júlde – Gúlbıbi Seıdalıeva (Sársen Amanjolov atyndaǵy Shyǵys Qazaqstan memlekettik ýnıversıtetiniń 4-kýrs stýdenti, Óskemen qalasy);
І oryn – Araı Jylqybaeva (QR Prezıdenti Іs Basqarmasy Medıtsınalyq ortalyǵy aýrýhanasynyń dáriger-menedjeri, Nur-Sultan qalasy);
ІІ oryn – Medına Jylqybaeva (Aqmola oblysy Qosshy aýylyndaǵy №2 mekteptiń 10-synyp oqýshysy);
ІІІ oryn – Ersultan Núsipjanov (Taraz memlekettik pedagogıkalyq ýnıversıtetiniń 3-kýrs stýdenti, Taraz qalasy);
«Abaı murasyn álemdik deńgeıde nasıhattaýshy» nomınatsııasy – Bekzat Smaǵulov (QR Mádenıet ján sport mınıstrligi Óner departamentiniń sarapshysy);
«Eń kishkentaı úmitker» nomınatsııasy – Hasen Jiger men Ánel Muhamajıtova (Pavlodar oblysy Ekibastuz qalasyndaǵy №24 «Aınalaıyn» balabaqshasynyń tárbıelenýshileri);
«Kórermen kózaıymy» nomınatsııasy – Qyrmyzy Aryn (Nur-Sultan qalasyndaǵy Nazarbaev Zııatkerlik mektebiniń 8-synyp oqýshysy);
«Eń belsendi qatysýshy» nomınatsııasy – Muhamedjan Ábdıev (Taraz qalasyndaǵy B.Momyshuly atyndaǵy № 45 mektep-gımnazııanyń 7-synyp oqýshysy, Taraz qalasy).
Shara sońynda «Abaı oqýlary» ádebı saıysynyń jeńimpazdary men júldegerleri Elbasy kitaphanasynyń basshylyǵy men qyzmetkerlerine jobany uıymdastyrǵandary úshin rızashylyqtaryn bildirdi.
