Huawei: bolashaq ıntellektýaldy álem úsh tuǵyrǵa negizdelgen
Sammıtte aqparattyq-kommýnıkatsııalyq tehnologııalar salasynyń aǵymdaǵy jaı-kúıi, ony damytý strategııasy, tsıfrlyq transformatsııanyń jol kartalary jáne salanyń bolashaq trendteri talqylandy. Sharaǵa 1000-nan astam salalyq jáne qarjy sarapshylary, negizgi pikir kóshbasshylaryn, sondaı-aq álemdik BAQ ókilderi qatysty.
Huawei kompanııasynyń dırektorlar keńesi tóraǵasynyń orynbasary, dırektorlar keńesiniń tóraǵasy jáne qarjy dırektory Sabrına Men, óz sózinde Huawei kompanııasynyń tsıfrlyq transformatsııa salasyndaǵy 10 jylǵa jýyq tájirıbesi nátıjesinde alynǵan úsh negizgi qorytyndyny atap ótti.
«Strategııa óte mańyzdy. Shyn máninde, tsıfrlyq transformatsııa degenimiz – strategııalyq josparlaý jáne tańdaý. Kez kelgen sátti tsıfrlyq transformatsııanyń negizi tehnologııa emes, strategııa bolýy kerek» - dedi ol.
Sabrına Menniń aıtýynsha, derekter – bul negiz. Derekter uıymda aınalymda bolǵan kezde ǵana qundy bolady, sondyqtan derekterdi ádistemelik basqarý negizgi faktor. Ártúrli ólshemder boıynsha derekterdi biriktirý onyń qundylyǵyn arttyrady.
«Intellekt bul – maqsat. Operatsııalardy tsıfrlandyrý jáne tsıfrlyq platformalardy qurý tsıfrlyq transformatsııanyń negizin qalaý arqyly derekterdi tazartýǵa, vızýalızatsııalaýǵa jáne biriktirýge kómektesedi. Intellektti qoldaný suranys boıynsha derekterdi paıdalanýǵa múmkindik beredi, olardy túsinýdi jeńildetedi jáne tsıfrlyq transformatsııany kelesi deńgeıge kóterý arqyly olardy áreketke jaramdy etedi», - dep atap ótti Huawei kompanııasynyń qarjy dırektory.
Sabrına Men atap ótkendeı, Huawei kompanııasy uıymdarǵa operatsııalardy tsıfrlandyrý, tsıfrlyq platformalardy qurý, platformaǵa negizdelgen ıntellektýaldy múmkindikterdi qurý jáne ıntellektýaldy múmkindikterdi paıdalaný sııaqty tórt kezeń arqyly tsıfrlyq tehnologııalarǵa kóshýge kómek berýdi kózdeıdi. Alǵa qoıylǵan mindetterge qol jetkizý úshin kompanııa klıentterge arhıtektýrasy qarapaıym jáne sapasy óte joǵary, az shyǵyn ketirip, eń úzdik tájirıbeni qamtamasyz etetin tsıfrlyq ınfraqurylymdy usynady.
Huawei kompanııasy óziniń ınnovatsııalyq strategııasynan bólek, bolashaqqa degen kózqarasy jáne maqsatqa jetý úshin júrgizip jatqan keıbir zertteýleri jaıly da aıtyp berdi. Huawei kompanııasynyń Strategııalyq zertteýler ınstıtýtynyń prezıdenti Chjoý Hýnnyń aıtýynsha, aldaǵy onjyldyqta Shennon teoremasy sheginen shyǵyp, jeli múmkindikterin 100 ese arttyrý úshin qazir qajet nárseniń bári bar.
«Intellektýaldy álemge qaraı jyljý jolynda jeliler men esepteý tásilderin qaıta qaraý óte mańyzdy», - dep atap ótti doktor Chjoý Hýn. - Esepteý tehnıkasy salasynda biz jańa modelder, arhıtektýralar men komponentter baǵytynda áreket etetin bolamyz, sondaı-aq ıntellektini túsiný jáne baqylaý qabiletimizdi jaqsartamyz. Sonymen qatar ónerkásipte, ǵylymda jáne basqa salalarda jasandy ıntellektini qoldaný múmkindikterin zertteýdi jalǵastyramyz».
Paneldik pikirtalas barysynda sarapshylar ónerkásipti dıdjıtalızatsııalaýdaǵy tsıfrlyq ónimdiliktiń rólin jáne túrli salalarda tsıfrlyq transformatsııa protsesinde kezdesetin qıyndyqtardy taldady. Іs-sharanyń mańyzdy bóligi jańa tehnologııalardy úzdiksiz engizý úshin usynylatyn is-qımyldardy jáne olardyń tsıfrlyq ónimdiligin arttyrý protsesindegi salalardyń boljamdaryn talqylaý boldy.
Qosymsha aqparat alý úshin https://www.huawei.com/en/events/has. saıtyna kirińiz
