Hromtaý, Sátbaev, Balqash jáne Qulsaryda ındýstrııalyq aımaqtar qurylady
ASTANA. KAZINFORM — Hromtaý, Sátbaev, Balqash jáne Qulsaryda ındýstrııalyq aımaqtar qurylady. Bul týraly búgin Úkimet otyrysynda Premer-Mınıstr Oljas Bektenov aıtty.
«Saran qalasynyń úlgisi boıynsha Hromtaý, Sátbaev, Balqash jáne Qulsary monoqalalarynda ındýstrııalyq aımaqtar qurý jumystary júrgizilýde. Sonymen qatar barlyq monoqalalarda olardyń ekonomıkasyn ártaraptandyrýǵa baǵyttalǵan 10 myńnan astam jumys ornyn qurýmen jalpy somasy 1,4 trln teńgege 41 ınvestıtsııalyq joba iske asyrylýda. Sondaı-aq, áleýmettik-ınjenerlik ınfraqurylymdy damytý jóninde sharalar qabyldanyp, monoqalalardyń aınalasynda geologııalyq barlaý jumystary júrgiziledi. Joǵaryda atalǵan sharalar monoqalalardyń ekonomıkasyn ártaraptandyrýǵa jáne qala turǵyndarynyń ómir súrý sapasyn arttyrýǵa yqpal etedi», - dedi vıtse-premer.
Sonymen qatar ol Alataý qalasynyń ınfraqurylymnyń salalyq shemasyn jáne jobalyq-smetalyq qujattamany ázirleý jumysy júrgizilip jatqanyn aıtty.
«Alataý qalasynda obektiler salý úshin áleýetti ınvestorlardy tartý maqsatynda «zákirlik» nysandardyń tizbesi aıqyndalatyn bolady. Qazirgi ýaqytta IT, kólik-logıstıkalyq keshen, týrızm jáne basqa da salalardaǵy halyqaralyq kompanııalarmen kelissózder bastaldy. Investorlardyń usynystary múddeli memlekettik organdarmen pysyqtalýda. Tizbe aıqyndalǵannan keıin jobalar ınfraqurylym salýǵa, preferentsııalar berýge jáne basqalaryna baǵyttalǵan memlekettik qoldaýdyń qajetti sharalarymen qamtamasyz etiletin bolady», - dedi ol.
