Hosteldegi órt: Almatylyq dárigerler zardap shekkender týraly aıtty

Almatydaǵy Ádı Sháripov kóshesindegi órtten zardap shekken 2 adam qalalyq jedel shuǵyl kómek kórsetý aýrýhanasyna jetkizildi, dep habarlaıdy Kazinform. 

Qalalyq densaýlyq saqtaý basqarmasynyń málimetine sáıkes, naýqastyń birine kómirqyshqyl gazyna ýlaný dıagnozy qoıyldy.

«Onyń jaǵdaıy ortasha aýyrlyqta, turaqty dep baǵalanyp otyr. Ekinshi naýqas barlyq tekserýden keıin usynystarmen ambýlatorlyq emdelýge jiberildi», - dep habarlady vedomstvodan.

Dárigerlerdiń aıtýynsha, barlyq zardap shekken adamǵa tolyq kólemde qajetti medıtsınalyq jáne psıhologııalyq kómek kórsetiletin bolady.

Buǵan deıin megapolıste hostel órtenip, 13 adam qaza tapqany týraly jazǵan bolatynbyz.