Horvatııa prezıdenti Izraıldiń saıasatyn qatań synǵa aldy

ASTANA. KAZINFORM — Horvatııa prezıdenti Zoran Mılanovıch Izraıl AQSh-tyń qoldaýyn paıdalana otyryp, eshqaıda aparmaıtyn qylmystyq saıasat júrgizip jatqanyn málimdedi, dep jazdy Anadoly agenttigi.

Memleket basshysy bul pikirin Zagreb qalasyndaǵy resmı is-sharadan keıin jýrnalısterdiń suraqtaryna jaýap bere otyryp aıtty.

Izraıldiń Iranǵa jasaǵan shabýylynan bastalǵan qaqtyǵysqa toqtalǵan Mılanovıch:

– Izraıl kóp jyldan beri ne isteımin dese de, erikke ıe bolyp otyr – bul aıqyn. Menińshe, biz mundaı memleketpen jáne onyń basshylarymen esh baılanysta bolmaýymyz kerek. Izraıldiń júrgizip otyrǵan qylmystyq saıasaty eshqandaı oń nátıjege ákelmeıdi, jáne ókinishke qaraı, olar bul iste Vashıngtonnyń qoldaýyna ıe, – dedi.

Sondaı-aq ol:

– Bireýler dúnıejúzilik qaqtyǵysty tutandyrǵysy keledi jáne buǵan kúsh pen zorlyq arqyly qol jetkizýde. Olar bul áreketterin amerıkalyq qarýlarmen jasap jatyr, – dep qosty.

Mılanovıchtiń aıtýynsha, Horvatııa da Palestınany táýelsiz memleket retinde moıyndaýy tıis. Ol Izraıldiń «usqynsyz» saıasaty jaıly ashyq aıtý qajettigin atap ótti.

– Qylmyskerler tıisti jazasyn alýy kerek. Qazirgi Izraıl úkimetiniń keıbir ókilderi osy úshin jaýapty, – dep qorytyndylady Horvatııa prezıdenti.

Eske sala keteıik, Irannyń joǵarǵy kóshbasshysy Trampqa jaýap retinde Irandy eshkim sheginýge májbúrleı almaıtynyn aıtqan bolatyn.