Horvatııa eýro valıýtasyna kóship jatyr

ASTANA. QazAqparat – Horvatııa 2023 jyldy jańa valıýtamen qarsy alady. Bul el 1 qańtardan bastap eýroǵa ótedi, dep habarlaıdy QazAqparat Euronews-ke silteme jasap.

Biryńǵaı eýropalyq valıýtaǵa kezeń-kezeńimen, biraq jyldam ótý aıasynda bankomattardyń jartysynan astamy óshirildi. Bul, bankomattardy jańa valıýtamen tolyqtyrý úshin jasaldy.

Horvatııalyq kýna men eýro tek 14 kún boıy ǵana qolma-qol tólem jasaý úshin teń qoldanylady.

«Qoldaryńyzda qolma-qol aqsha bolǵany durys, sebebi demalys kúnderi bank júıesi ótpeli jaǵdaıda bolady. Karta da, ınternet-bankıng te jumys istemeıdi. 2 qańtarda bári burynǵydaı durys jumys jasaýy tıis», - dedi Horvatııa ulttyq bankiniń tóraǵasy Borıs Výıchıch.

2023 jyldyń 1 qańtarynan Horvatııa resmı túrde Shengen aımaǵyna qosylady. Adamdar EO kórshi elderi arasynda tólqujat baqylaýynsyz shekarany kesip óte alady.