Hokkeıden Qazaqstan chempıonaty jartylaı fınalyna kimder shyqty

ASTANA. KAZINFORM — Shaıbaly hokkeıden Qazaqstan chempıonatynyń pleı-off kezeńi jartylaı fınalyna shyqqan komandalar belgili boldy.

Mundaı múmkindikke aldymen óskemendik «Torpedo» qol jetkizdi. Olar shırek fınalda atyraýlyq «Beıbarysty» jalpy serııada 4:0 esebimen qapy qaldyrdy.

Al jalpy serııada qaraǵandylyq «Saryarqa» Rýdnyıdyń «Gornıagyn», Petropavldyń «Qulageri» Kókshetaýdyń «Arlanyn» 4:1 esebimen jeńdi.

Shırek fınaldaǵy eń tartysty báseke astanalyq «Nomad» pen «Almaty» arasynda ótti. Jartylaı fınalǵa joldamanyń taǵdyry jetinshi matchta sheshildi. Onda elordalyq klýb úlken jeńiske jetip, serııany 4:3 esebimen jeńip aldy.

Shaıbaly hokkeıden Qazaqstan chempıonaty 1992 jyldan beri turaqty túrde ótkizilip keledi.

Qazirge deıin «Torpedo» — 13, «Beıbarys», «Saryarqa», «Arlan» — 3, astanalyq «Barys» pen «Nomad» — 2, sátpaevtyq «Qazaqmys» pen temirtaýlyq «Bolat» — 1 márteden chempıondyq ataqqa qol jetkizdi.

Eske salsaq, budan buryn «Barys» Qurlyqtyq hokkeı lıgasynda qatarynan ekinshi márte jeńiske jetti.