HQKO-da burynǵy sottalýshylarǵa kómek kórsetetin ortalyq ashyldy
Balqash daǵdarys ortalyǵy bas bostandyǵynan aıyrý oryndarynan bosap shyqqan jáne probatsııa esebinde turatyn azamattarǵa qyzmet kórsetedi. Ortalyq olarǵa áleýmettik qyzmetterdiń barlyq túrleri jaıynda tolyqqandy aqparat berip otyrady.
Halyqqa qyzmet kórsetý ortalyǵynyń 12-kabınetinde ornalasqan daǵdarys ortalyǵy tańǵy toǵyzdan keshki jetige deıin jumys isteıdi.
«Túrmede jazasyn ótep shyqqan adamdar memlekettik qyzmet túrleri, áleýmettik qoldaý salasyndaǵy múmkindikter, jumysqa ornalasý máselelerinde aıtarlyqtaı qıyndyqtarǵa kezigedi. Daǵdarys ortalyǵy osy kezde olarǵa kómekke kelip, osy máselelerde barynsha tolyqqandy aqparat alý múmkindigin beredi. Bul adamnyń qoǵamǵa áleýmettenýine kóp septigin tıgizedi», - deıdi Qaraǵandy oblystyq qylmystyq-atqarý júıesi departamentiniń probatsııa qyzmetindegiler.
Balqashta 175 adam probatsııalyq esepte turady, onyń jeteýi raqymshylyq boıynsha bosap shyqqandar.
Budan bólek, óńirde alǵash ret memlekettik áleýmettik tapsyrys aıasynda «Adamdarǵa múmkindik berińiz» atty joba júzege asyrylýda. Sottalǵan 4 myń adamnyń árbirimen jeke áleýmettik-quqyqtyq kómek kórsetý baǵdarlamasy jasalyp, olardyń barlyǵy túgel iske asyryldy. Bul joba boıynsha qarjylyq jáne basqa da kómekter kórsetiledi. Oǵan jergilikti bıýdjetten 22 mıllıon teńge qarjy bólindi.
