Hımııa ónerkásibinde bıyl 3 joba júzege asyrylady

NUR-SULTAN. QazAqparat – Bıyl hımııa ónerkásibinde 3 joba júzege asyrylady. Bul týraly búgin Úkimet otyrysynda QR Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.

«Bıyl hımııa ónerkásibinde naqty kólem ındeksi saladaǵy úlesi 57 paıyzdy quraıtyn iri kásiporyndardyń óndiris kóleminiń ulǵaıýy esebinen 102 paıyzǵa jetýi tıis. Fosfat tyńaıtqyshtar óndirisin 16,6, ammofos 15,4, ammıak selıtrasy 10,7, hrom qosylystar óndirisin 13,6 paıyzǵa arttyrýdy josparlap otyrmyz», - dedi óńdeý ónerkásibin damytý jaıynda baıandaǵan mınıstr.

Onyń atap ótýinshe, bıyl úsh jańa joba iske qosylyp, salanyń óndiris kólemin ulǵaıtýǵa múmkindik beredi.

«2025 jylǵa deıin birqatar ınvestıtsııalyq jobalardy júzege asyrý jáne mıneraldy tyńaıtqyshtar óndirisiniń qýatyn 1,5 mln tonnaǵa deıin arttyrý kózdelgen», - dedi Beıbit Atamqulov.