Hımııa boıynsha Nobel syılyǵynyń jeńimpazy anyqtaldy

STOKGOLЬM. QazAqparat – Hımııadan 2021 jylǵy Nobel syılyǵy Benıamın Lıst pen Devıd Makmıllanǵa asımmetrııalyq organıkalyq katalızatordy jasap shyǵarǵany úshin berildi, dep habarlaıdy QazAqparat Nobel komıtetine silteme jasap.

Nobel komıtetiniń resmı málimdemesinde Lıst pen Makmıllan 2021 jyly hımııa salasyndaǵy Nobel syılyǵyna molekýlalyq qurylymnyń jańa dál quralyn: organokatalızdi jasaǵany úshin ıe bolǵany atap ótilgen.

Bul jańalyq farmatsevtıkalyq zertteýlerge aıtarlyqtaı yqpal etip, hımııany ekologııalyq taza etýge úlesin qosty.

Benıamın Lıst ı Devıd Makmıllan 2000 jyly óz aldaryna katalızdiń úshinshi úlgisin jasap shyǵarǵan bolatyn. Olardyń jańalyǵy asımmetrııalyq organokatalız dep atalyp, shaǵyn organıkalyq molekýlalarǵa negizdelgen.

«Katalızdiń bul tujyrymy qarapaıym bolsa da, óte keremet. Kóptegen adam bul týraly buǵan deıin nege oılanbadyq dep aıtyp jatyr», - dep atap ótti hımııadan Nobel komıtetiniń tóraǵasy Iohan Akvıst.

Eske sala keteıik, 4 qazannan bastap 2021 jylǵy Nobel syılyǵynyń laýreattary jarııa etile bastady. Bıyl koronavırýs pandemııasyna baılanysty syılyq 10 jeltoqsan kúni 10 elde tabystalady. Marapattaý rásimi jylda Stokgolmde ótetin.

Buǵan deıin medıtsına jáne fızıka salalary boıynsha Nobel syılyǵynyń ıegerleri belgili boldy.