«Hımfarm» ǵımaraty terrorıstik turǵydan osal obekt retinde belgilendi

ShYMKENT. KAZINFORM — «Hımfarm» terrorıstik qaýip tóngen jaǵdaıda birshama adam shyǵynyna alyp keletin jáne ekonomıkalyq, ekologııalyq zııan kelýi múmkin áleýetti qaýipti obekt retinde tanylyp, terrorıstik turǵydan osal obektiler tiziminde qaldy.

Terrorıstik turǵydan osal obektilerdiń qorǵalýyn qamtamasyz etý jónindegi jumys tobynyń quramynda arnaıy, quqyq qorǵaý organdary jáne jergilikti atqarýshy organdarynyń jaýapty ókilderimen «Hımfarm» aktsıonerlik qoǵamynyń ǵımaratynda bolyp,  Úkimettiń 2021 jylǵy 12 sáýirdegi № 234 qaýlysyna «Terrorıstik turǵydan osal obekti talaptaryna» sáıkestendirý jumystaryn júrgizdi.

— Nátıjesinde «Hımfarm» aktsıonerlik qoǵamy terrorıstik qaýip tóngen jaǵdaıda birshama adam shyǵynyna alyp keletin jáne ekonomıkalyq, ekologııalyq zııan kelýi múmkin áleýetti qaýipti obekt retinde tanylyp, terrorıstik turǵydan osal obektiler tiziminde qaldy, — delingen Terrorızmge qarsy ortalyǵy habarlamasynda.

Mundaı obektiniń beriktigi men qorǵanysy tótenshe jaǵdaılardyń aldyn alýyna jáne adamdardyń qaýipsizdigin saqtaýǵa baǵyttalǵany jóninde terrorızmge qarsy komıssııasy janyndaǵy jumys tobynyń otyrysynda qaralady.

Aıta ketelik Shymkent, Atyraý men Aqtóbe turǵyndary terrorızmdi nasıhattaǵany úshin sottalǵan edi.