Hezbolla Izraıldiń soltústigine 55 zymyran ushyrdy
ASTANA. KAZINFORM – Lıvannyń Hezbolla toby seısenbi kúni tańerteń Izraıl armııasy shekaralas aımaqtan Bekaa alqabyna jasaǵan qarqyndy soqqylardan keıin Izraıldegi áskerı nysandarǵa jappaı zymyran shabýylyn jasady.
«Hezbolla» seısenbi kúni tańerteń Lıvannan Izraıldiń soltústigine 40 zymyran atqylaǵan. Keıinirek 15 zymyrannan turatyn ekinshi shabýyl jasady.
Izraıl armııasy Joǵarǵy Galıleıa men Golan kóginde «shamamen 55» zymyran ushyrǵanyn tirkegenin aıtyp, olardyń keıbiriniń qaǵyp túsirilgeni, qalǵandarynyń adam shyǵynynsyz ashyq aýmaqtarǵa qulaǵany aıtyldy. Izraıl aqparat quraldarynyń habarlaýynsha, Joǵarǵy Galıleıa men Golan kóginde zymyran shabýylyn eskertetin avtomatty eskertý sırenalary estilgen.
🚨Approx. 55 projectiles were identified crossing from Lebanon.
— Israel Defense Forces (@IDF) August 17, 2024
Some fell in open areas igniting multiple fires in northern Israel. Fire and Rescue Services are currently operating at the scene to extinguish them. pic.twitter.com/Cm6Im41yMR
«Ushyrýlardan keıin kóp uzamaı Áskerı-áýe kúshteriniń ushaqtary snarıadtar atylǵan qondyrǵylardyń birine shabýyl jasady», - delingen armııa málimdemesinde.
Izraıl aqparat quraldary zymyrandardyń qulaýy saldarynan ashyq aýmaqtarda aýqymdy orman órti shyqqanyn habarlady. Hezbolla Izraıldiń eki áskerı bazasyna ondaǵan zymyran ushyrǵanyn málimdedi. Ol Golan jotasy Nafah kazarmasyndaǵy 210-shy dıvızııasynyń shtab-páterin jáne ıArden kazarmasyndaǵy 210-shy dıvızııanyń artıllerııalyq jáne brondy polkteriniń shtab-páterin nysanaǵa alǵanyn aıtty.
Top málimdemesinde bul shabýyldyń Izraıldiń Bekaa aımaǵyndaǵy túngi shabýyldaryna jaýap bolǵany basa aıtyldy. Osylaısha, bir kún buryn Izraıl áskerıleri Lıvannyń shyǵysyndaǵy Bekaa aımaǵyndaǵy Hezbollaǵa tıesili qarý qoımalaryna shabýyl jasady. Bul Lıvannyń shyǵysyndaǵy Hezbollanyń yqpaly bar aımaq. Ol Izraıl shekarasynan shamamen 100 shaqyrym jerde ornalasqan. Lıvannyń Densaýlyq saqtaý mınıstrligi toǵyz adamnyń jaraqat alǵanyn aıtty. Olardyń altaýy lıvandyq jáne úsheýi sırııalyq azamat.
What do you see here?
— LTC Nadav Shoshani (@LTC_Shoshani) August 19, 2024
The next tweet will reveal the answer ⬇️ pic.twitter.com/dbXtOvLCGq
Lıvannyń ońtústigindegi Deır-Kanýn aımaǵyna jasalǵan taǵy bir áýe shabýyly kezinde qozǵalystyń ıArın aımaǵyndaǵy zymyran bólimshesinde mańyzdy ról atqarǵan Hezbolla sodyry Hýseın Alı Hýseın qaza tapty.
