Vetnamda aǵash óńdeý zaýyty alapat órtke orandy
ASTANA. KAZINFORM – Vetnamnyń Hanoı qalasynyń Than Lıet aýdanynda ornalasqan aǵash óńdeý zaýytynda alapat órt shyqty, dep habarlaıdy TTXVN.
Órt 29 naýryz kúni shamamen saǵat túngi 23:40-ta Tan Chıeý fılıalyndaǵy K aýrýhanasyna (Tan Trıeý fılıaly) qarama-qarsy ornalasqan aǵash óńdeý sheberhanasynda tutanǵan.
Oqıǵa týraly habar túskennen keıin Hanoı qalasynyń órt sóndirý jáne qutqarý qyzmeti oqıǵa ornyna ondaǵan órt sóndirý tehnıkasyn, sondaı-aq kóptegen ofıtserler men sarbazdardy jumyldyrdy.
Túngi saǵat 02:00 shamasynda qatty jalyn men qoıý tútin órtti baqylaýǵa alýdy qıyndatqan. Bılik ókilderi tilsiz jaýmen kúresti jalǵastyryp jatyr.
Ázirge zardap shekender týraly resmı aqparat joq.
Aıta keteıik, Nebraska shtatyndaǵy orman órti 324 myń gektar jerdi sharpydy.