Hamzaalper Romashkın taekvondodan jasóspirimder arasynda álem chempıony atandy

ASTANA. KAZINFORM - Qazaqstan quramasynyń sportshysy Hamzaalper Romashkın taekvondodan Fýdjeırada (BAÁ) ótip jatqan jastar arasyndaǵy (WT) álem chempıonatynda altyn medal jeńip aldy, dep habarlaıdy Ulttyq olıpmpıadalyq komıtet.

61 kelige deıingi salmaq dárejesinde ótken fınaldyq jekpe-jekte Romashkın Kanada ókili Nıkola Samordıchti senimdi ári tehnıkalyq sheberlikpen jeńdi.

Aıta keteıik, BAÁ-de ótip jatqan jastar arasyndaǵy álem chempıonatyna 81 elden 800-den astam sportshy qatysyp jatyr. Atalmysh jarys 14 mamyrǵa deıin jalǵasady.

Osyǵan deıin bokstan jastar arasyndaǵy Azııa chempıonatynda qazaqstandyqtardyń qarsylastary anyqtalǵany týraly jazdyq.