HAMAS tórt tutqynnyń denesin berýge daıyndalyp jatyr
ASTANA.KAZINFORM - HAMAS beısenbi kúni taraptar arasyndaǵy kelisim aıasynda palestınalyq tutqyndarǵa aıyrbas retinde kepilge alynǵan tórt adamnyń máıitin Izraılge beredi, dep jazady VVS.
Sodyrlardyń aıtýynsha, olardyń arasynda 7 qazandaǵy Izraıl tragedııasynyń sımvolyna aınalǵan sary shashty uldar Arıel men Kfır Bıbas, sondaı-aq olardyń anasy Shırı bar. Izraıl áli balalardyń ólimin resmı túrde rastaǵan joq.
Urlanǵan kezde Kfır Bıbas nebári 10 aılyq bolǵan. Áıeli Shırı jáne eki balasymen tutqyndalǵan 35 jastaǵy ıArden Bıbas 1 aqpanda bosatyldy.
HAMAS sodyrlary Izraılde sottalǵan gazalyqtardyń ornyna osy senbide kepilge alynǵan alty adamdy, sondaı-aq kelesi aptada taǵy tórt qurbannyń máıitin qaıtarmaqshy.
Premer-mınıstr Bınıamın Netanıahý keńsesi beısenbi kúni beriletin tutqyndar týraly aqparatty rastady, biraq olardyń esimin atamady.
Aıta keteıik, soǵysty toqtattaıaýý kelisimi aıasynda HAMAS Qyzyl Krest uıymyna kepilge alynǵan úsh adamdy tapsyrdy.