HAMAS kepilge alynǵan adamdardy palestınalyq tutqyndarǵa aıyrbastaýdy usyndy

HAMAS kepilge alynǵan Izraıl azamattaryn Izraıl túrmelerinde qamalyp otyrǵan palestınalyq tutqyndarǵa aıyrbastaýdy usyndy, dep habarlaıdy Kazinform Euronews-ke silteme jasap. 

Uıymnyń Gaza sektoryndaǵy kóshbasshysy ıAhıa Sınvardyń aıtýynsha, buny birtindep júzege asyrýǵa bolady. 

Benıamın Netanıahýdiń habarlaýynsha, áskerıler kabıneti bul múmkindikti talqylady, biraq sheshim qabyldaǵan joq. Senbi kúni Izraıl premer-mınıstri kepilge alynǵan adamdardyń otbasylarymen kezdesip, memleketteri olardyń qaıtarylýy úshin bar múmkindikti paıdalanyp otyrǵanyna sendirdi.

«Áskerı qysym kúsheıgenshe, atys kúshi artqansha, biz HAMAS-qa kóbirek soqqy bergenshe, HAMAS-tyń jaqyndaryńyzben qaýyshýǵa múmkindik beretin sheshimderge kelisetin jaǵdaıǵa jetýge múmkindigimiz kóp bolady», - dedi Izraıl Qorǵanys mınıstri Ioav Gallant. 

Kóptegen ızraıldik qazirgi jaǵdaı úshin úkimet basshysy jaýapty dep sanaıdy. Tel-Avıvte kepilge alynǵandardyń otbasylary narazylyq sharasyn ótkizip, Netanıahýdyń otstavkaǵa ketýin jáne jaqyndaryn qutqarýdyń naqty josparyn talap etti. 

TsAHAL málimetinshe, radıkaldar qolyna 230 adam tústi, HAMAS júzdegen adamnyń kepilge alynǵanyn málimdedi.