Halyqtyń kóshi-qony jáne jumyspen qamtylý máselelerine qatysty zań jobasy talqylandy (FOTO)
Aıta ketý kerek, «Qazaqstan Respýblıkasynyń keıbir zańnamalyq aktilerine halyqtyń kóshi-qony jáne jumyspen qamtylýy máseleleri boıynsha ózgerister men tolyqtyrýlar engizý týraly» Zań jobasy Memleket basshysynyń 2014 jylǵy 4 mamyrdaǵy bergen tapsyrmasyna oraı ázirlengen bolatyn. Úkimettiń zań jobasyna bergen túsindirmesinde kóshi-qon zańnamasyna ózgerister men tolyqtyrýlar engizý jahandaný qaterlerine jáne álemdik damýdyń turaqsyzdyǵyna, sondaı-aq memlekettiń ishki damýynyń jańa kezeńine jáne áleýmettik-eńbek qatynastaryn jańǵyrtýǵa baılanysty bolyp otyrǵany atap ótilgen.
Zań jobasyn qabyldaý maqsaty etnıkalyq, ishki kóshi-qon, sheteldik jumys kúshin tartýdy, zańnamalyq deńgeıde etnıkalyq qazaqtardyń kelýi men qonystanýynyń biryńǵaı sharttaryn qurýdy, olardy qonystandyrý óńirine qaraı áleýmettik qoldaýdy qamtamasyz etýdi kózdeıdi. Sonymen qatar oralmandardyń basym óńirlerde qonystanýyn yntalandyrý, eńbek resýrstaryn jumys kúshi artyq óńirlerden jumys kúshi az óńirlerge qaıta bólý, sondaı-aq elge joǵary bilikti mamandar tartý salalaryndaǵy kóshi-qon saıasatyn jetildirý qajet.
Jumys tobynyń jetekshisi, depýtat Gúlnár Seıitmaǵanbetova bul zań jobasynyń bizdiń qoǵam úshin jáne kóshi-qon máselelerin retteýde mańyzdy ekenin alǵa tartty.
Májilistiń Áleýmettik-mádenı damý komıtetiniń múshesi, jumys tobynyń jetekshisi Gúlnár Seıitmaǵanbetova otyrysqa depýtattar jáne múddeli mınıstrlikter men vedomstvo ókilderi qatysyp otyrǵanyn aıtyp ótti.
Jumys tobynyń músheleri zań jobasyn Salystyrma kestege engen baptar boıynsha jeke-jeke qarady. Búgingi kúnge deıin salystyrma kestege salalyq komıtetter men depýtattar usynǵan 140 túzetý engizilgen.
Jumys tobynyń otyrysyna qatysqan Májilis depýtattary Úsengeldi Medeýov, Quttyqoja Ydyrysov, Almas Turtaev, Gúlmıra Isımbaeva, Maıra Aısına, Olga Kıkolenko, Nadejda Petýhovalar salystyrma kestege engizilgen túzetýlerdi sarapqa saldy. Depýtattardyń zań jobasyn talqylaýda jáne usynystar berýde belsendilik tanytyp otyrǵanyn atap ótý qajet.
Jumys tobynyń kelesi otyrysy aldaǵy aptanyń beısenbi kúni jalǵasyn tabatyn boldy.
