Halyqtyń ál-aýqaty artqanda azamattyq belsendilik te ósedi – sarapshy
«Búginde azamattardyń ómir súrý deńgeıi men ál-aýqaty, ýrbanızatsııa jáne aqparatqa qoljetimdiligi artýda, sáıkesinshe azamattyq belsendilik deńgeıi de ósip keledi. Sondyqtan, qoǵamdyq keńester quryldy, qoǵam men bıznes arasynda, bılik pen halyq arasynda da únemi baılanys bar. Alaıda, mán berýge turarlyq bir másele bar. Oqıǵaǵa ún qatý, jaýap berýde sylbyrlyq bar. Sondyqtan, halyqtyń muń-muqtajyn «estıtin» memleket máselesi qoıylyp otyr. ıAǵnı, memlekette ekonomıkalyq, áleýmettik-saıası reformalardy júzege asyrý platformasy bolýy qajet. Ekonomıkalyq damýda turaqtylyq bolýy kerek. Al onyń turaqtylyǵy shaǵyn jáne orta bıznestiń damýymen tikeleı baılanysty», - dedi A. Kósherbaeva Nur-Sultan qalasynyń ákimdiginde Prezıdent Joldaýyn talqylaý boıynsha qala aktıviniń kezdesýinde.
Onyń aıtýynsha, Qazaqstan qataryna qosylǵysy keletin damyǵan elderde jalpy ishki ónimdegi ShOB úlesi 50-60 paıyzdy quraıdy. 2018 jyly Nur-Sultan qalasynyń jalpy óńirlik óniminde ShOB 58,5 paıyz boldy. ıAǵnı, qala damyǵan elderdiń sanatyna ený úshin qaryshty qadamdar jasaýda. Jáne A. Kósherbaeva Prezıdenttiń «qarapaıym zattar ekonomıkasy» týraly eskertýin erekshe atap ótti.
«Jobanyń sany men qunyn aıtqanda, nátıjege baǵdar jasaý qajet. Jobalardy qolǵa alǵanda ondaǵy menedjerlerdiń bilim deńgeıin kóterý kerek. Qazaqstanda Memlekettik basqarý akademııasynda memlekettik jobalyq menedjerlerge qatysty mundaı jumystar júrip jatyr», - dedi Aıgúl Kósherbaeva.
