«Halyqtyq pedagogıka qazaq mektepterine qashan engiziledi?»-respýblıkalyq basylymdarǵa sholý
***
«Egemen Qazaqstan» gazeti búgingi sanynda «Jumyssyzdyqty joıýdyń joldary» degen taqyryppen maqala jarııalady. Onda eldi ındýstrııalandyrý kartasy aıasynda 370 mýyq jumys orny qurylatyndyǵy aıtylady. Bul týraly keshe Májilis tóraǵasynyń orynbasary A.Bobrovtyń tóraǵalyǵymen ótken «Eńbekpen qamtý-2020» baǵdarlamasy talqylanǵan Úkimet saǵatynda Eńbek jáne halyqty áleýmettik qorǵaý mınıstri málim etken. Mınıstr G.Ábdiqalyqovanyń aıtýynsha, jańa nysandar qurylysy kezeńinde 207 myń adam qatysyp, keıin jańa kásiporyndarda 61 myń turaqty jumys orny qurylatyn bolady. Al 2011 jyldyń 1 qańtaryndaǵy málimet boıynsha elimizde halyq sany 16,4 mıllıon bolsa, sonyń 48 paıyzynan astamy jumyspen qamtylǵan.
«Keden odaǵynyń keleshegi kemel». Atalmysh basylymnyń búgingi sanynda osyndaı taqyryppen jarııalanǵan maqalaǵa keshe «Nur Otan» HDP-nyń Parlamenttegi fraktsııasy janyndaǵy ekonomıkalyq saıasat jónindegi keńes uıymdastyrǵan «Keden odaǵy Qazaqstan Respýblıkasynyń ekonomıkasyn ártaraptandyrýdyń qozǵaýshy kúshi» atty dóńgelek ústel otyrysynda kóterilgen máseleler arqaý bolǵan. Basylymnyń jazýynsha, Keden odaǵynyń alǵashqy nátıjeleri kórsetkendeı, 2010 jyly Reseımen ózara saýda-sattyq 27,2 paıyzǵa, al Belorýssııamen 55,8 paıyzǵa ósken. Qazaqstan ónimderiniń Reseıge eksporty 35,9 paıyzǵa artqany atap óterlik. Sonymen, Keden odaǵy elderimen syrtqy saýda 28,1 paıyzǵa artyp, 12,9 mıllıard AQSh dollarynan 16,5 mıllıard dollarǵa deıin ósip, Qazaqstannyń jalpy saýda aınalymynyń 18,5 paıyzyn quraǵan. 2011 jyldyń 1 toqsanynda elimiz bıýdjetine túsken syrttan ákelingen taýarlarǵa salynǵan salyq ótken jyldyń osy merzimimen salystyrǵanda 233,2 paıyzǵa artqan.
***
«Tamshylap sýarý tıimdi eken». «Aıqyn» basylymynyń búgingi sanynda osyndaı taqyryppen maqala jaryq kórdi. Basylymnyń jazýynsha, Almaty men Qapshaǵaı qalasynyń arasyn jalǵastyryp jatqan kúre joldyń kúnshyǵys qaptalynda qaptaǵan tehnıka qaýyrt jumys júrgizip jatyr. Jalpy aýdany 5,1 gektar jerge jańa tehnologııaǵa saı ónerkásipti jylyjaıdyń qurylysyn qolǵa alǵandar aldaǵy kezde onyń kólemin 20 gektarǵa deıin arttyrýdy oılastyryp otyr. Jobanyń negizgi maqsaty - jyl on eki aı boıy joǵary sapaly kókónis ónimderin óndirý.
Sondaı-aq «Aıqynnyń» búgingi sanynda «Yrys nege artpaı tur?» degen taqyryppen ózekti maqala basyldy. Onda topyraq qunarlyǵynyń tómendeýine tabıǵı faktorlardan basqa mıneraldyq jáne organıkalyq tyńaıtqyshtardyń qoldanylmaýy, agrotehnıkalyq talaptardyń saqtalmaýy, ǵylymı negizdelgen aýyspaly eginshilik júıeleriniń bolmaýy da basty sebep bolyp otyrǵandyǵy aıtylady. «Mysaly, 1990 jyly 1 gektar egistik alqapqa beriletin tyńaıtqyshtar 19,1 keli bolsa, 2010 jyly bar bolǵany 4,14 keliden týra kelip, 4,6 eseden asa kemip ketken. Osydan soń qalaı yrysymyz artyp, Jer-ananyń tósi ıisin? Aýylyn tastap, qalaǵa ketken balasyna qatty aıtpasa da ishteı renjip júrgen Anadaı, ol da renjip jatqan shyǵar, kim bilsin?!», - delingen maqalada.
***
«Alash aınasy» basylymynyń jazýynsha, kóktem shyǵa Kaspıı teńiziniń jaǵalaýy ıtbalyqtardyń ólekselerine tolyp ketedi. Bıyl da bul jaǵdaı qaıtalanbaı qalǵan joq. Mańǵystaý oblysynyń Túpqaraǵan aýdanynyń turǵyndary teńiz jaǵasynan ıtbalyqtardyń qańqasyn taýyp alǵandyqtaryn aıtyp, dabyl qaqty. Bul jaıynda tolyq málimetti «Kaspııdiń ıtbalyǵyna indet neden keldi?» degen taqyryppen basylǵan maqaladan bile alasyzdar.
Sondaı-aq atalmysh basylymnyń jazýynsha, qazirgi jasóspirimder arasynda araq ishý, temeki tartý, SPID, nashaqorlyq, qyzdarymyz on ekide bir gúli ashylmaı jatyp, bala kóterý degen sekildi jaǵymsyz qylyqtar kóbeıip ketti. «Munyń syry nede? Biz muny arnaıy zerttep, túıinin tarqatyp kórdik pe?. Aınalyp kelgende, osynyń barlyǵy bizdiń halyqtyq pedagogıkadan ajyrap, mekteptegi baǵdarlamalarymyzdy eýropalyq júıege sáıkestendirip jaqandyǵymyzdan emes pe?», - delingen «Alash aınasynyń» búgini sanynda jarııalanǵan «Halyqtyq pedagogıka qazaq mektepterine qashan engiziledi?» degen maqalada.
***
«Kazahstanskaıa pravda» basylymy Indýstrııa jáne jańa tehnologııalar mınıstrliginiń Tehnıkalyq retteý men metrologııa komıtetiniń bıylǵy jyldyń alǵashqy toqsanyndaǵy nátıjelerine baılanysty «Kto v otvete za kachestvo tovarov?» atty maqala jarııalady. Basylymnyń málimetterinshe, Tehnıkalyq retteý jáne metrologııa komıteti elimizdiń oblystary men Astana jáne Almaty qalalarynda bıylǵy jyldyń 1-toqsanynda 1 myń 72 tekserý júrgizgen. Tekserýler barysynda olar 645 tehnıkalyq reglamentteri men metrologııalyq tártip pen normalaryn buzý áreketterin anyqtaǵan. Memlekettik ınspektorlar kináli azamattarǵa quny 25 mln. 425 myń 910 teńge bolatyn 669 qaýly shyǵarǵan.
