Halyqaralyq valıýta qory Ortalyq Azııa elderi ekonomıkasynyń qanshalyqty óskenin jarııa etti

ASTANA. QazAqparat – Kavkaz ben Ortalyq Azııa elderiniń ekonomıkasy 4,8 paıyzǵa ósti. Bul jaıynda Halyqaralyq valıýta qorynyń Taıaý Shyǵys jáne Ortalyq Azııa elderi departamenti dırektorynyń orynbasary Sýbır Lall málim etti, dep habarlaıdy QazAqparat tilshisi.

«Kavkaz ben Ortalyq Azııa óńirindegi elderdiń ekonomıkasy ósimdegi óte úlken aıyrmashylyqpen 4,8 paıyzǵa artty. Bizdiń esepteýimizshe, Armenııada ósim shamamen 12,6 paıyzdy qurasa, al Túrikmenstanda shamamen 2 paıyz boldy. Bul kútilgen ósimnen birshama joǵary. Buǵan qosa, óńirlik saýda aıtarlyqtaı tómendep, eksporttaýshy elder úshin munaı baǵasy birshama joǵary boldy. Reseıden emıgratsııa nátıjesinde aqsha aǵyny da kúrt joǵarylady. Munan bólek, birqatar elde, onyń ishinde Armenııa, Grýzııa, Qyrǵyz Respýblıkasy jáne Ózbekstanda jalaqy qatty kóterildi», - dedi Halyqaralyq valıýta qorynyń «Óńirlik ekonomıka keleshegi: Taıaý Shyǵys jáne Ortalyq Azııa» baıandamasyn tanystyrǵan Sýbır Lall.

Onyń aıtýynsha, 2022 jyly aǵymdaǵy esepshottaǵy teńgerimsizdik óńirdegi elderdiń basym bóliginde aıtarlyqtaı jaqsarǵan.

«Sonymen qatar 2022 jyly aǵymdaǵy esepshottaǵy teńgerimsizdik óńirdegi elderdiń basym bóliginde aıtarlyqtaı jaqsara tústi. Bul Ázerbaıjan, Qazaqstan syndy munaı eksporttaýshy elder úshin negizgi oń saýda balansyn kórsetedi. Onyń ishinde tabystyń barynsha joǵary aǵylýy, munaıdy ımporttaýshy elderdiń basym bóliginde qyzmetterdiń profıtsıti bar. Bul óńirdegi tabys deńgeıi tómen elderge de qatysty», - dedi HVQ ókili.