Halyqaralyq uıymdar Qytaıda qus tumaýynyń qaıta órshýine alańdaýly

ASTANA. QazAqparat - BUU-nyń Azyq-túlik jáne aýyl sharýashylyq uıymy (FAO) Qytaıda qus tumaýynyń jańa shtamy qaıta taralýyna alańdaýshylyq bildirdi,dep habarlaıdy un.org .

Tumaýdyń bul túri adam úshin óte qaýipti. Barlyq elderdiń sarapshylary veterınarlyq baqylaý júıesin kúsheıtý, aýrýdy anyqtalǵan kezde der kezinde qarsy sharalaryn qamtamasyz etýdi usynyp otyr. 

Tórt jyl buryn shyqqan H7N9 vırýsy Qytaıda qaıta tabyldy. 2017 jyldyń naýryz aıynyń basynda A tumaýy (H7N9) juqqandar sany basqa qus tumaýymen (H5N1, H5N6 jáne t.b.) osy aralyqqa deıingi aýyrǵandardyń jalpy sanynan asyp ketken.  
«Qus tumaýy vırýsynyń mýtatsııalanýyn eskersek, ulttyq veterınarlyq qyzmetter adamdardy qorǵaý úshin óz elderinde tabylǵan túrli shtamdarǵa turaqty baqylaý júrgizýi tıis», - dep málim etti Búkilálemdik janrýarlar densaýlyǵyn qorǵaý uıymy bas dırektorynyń orynbasary Metıý Stoýn. 
Qytaıdyń Gýandýn provıntsııasynda tabylǵan H7N9 vırýsy adamdarǵa aýyr soǵady, sondaı-aq genetıkalyq turǵydan ózgerip qustarǵa juqqannan keıin qyryq segiz saǵattan soń olardyń ólýine ákelip soqtyrady.
FAO-nyń habarlaýynsha, Qytaımen kórshi elder, sondaı-aq Qytaıdan qus etin satyp alatyn elder qaýip-qateri joǵary aımaqqa kiredi.