Halyqaralyq sarapshy Qazaqstandaǵy atom energetıkasyna qatysty pikir bildirdi

ASTANA. QazAqparat – Brıtandyq NNWI ortalyǵynyń prezıdenti Tım Ieo Qazaqstanda atom energetıkasy men jańartylatyn energııa resýrstaryn damytý tıimdi bolatynyn aıtty, dep habarlaıdy QazAqparat tilshisi.

«Energetıkalyq qaýipsizdikti kúsheıtý qajet, sondyqtan elektr energııasyn úzdiksiz óndirýdi qamtamasyz etý úshin sala ókilderimen turaqty baılanysta bolý kerek. Bul naryqtaǵy jaǵdaıǵa, ıaǵnı baǵanyń qubylýyna tikeleı baılanysty. Jańartylatyn energııa kózderine de, atom energııasyna da klımattyń ózgerýine qatysty tendentsııalar áser etedi», - dedi Tım Ieo elordadaǵy energetıkalyq qaýipsizdik taqyrybyndaǵy konferentsııada.

Osy oraıda ol energııa resýrstarymen qamtamasyz etýde álem elderinde tıisti problemalar bar ekenin aıtty.

«Qazaqstan bul saladaǵy ártaraptandyrý qadamdary men jańartylatyn energııa resýrstaryn iske qosý arqyly, sondaı-aq atom energetıkasyn engizýden paıda kóre alady. Keıingi 12 aıda álemdegi energııa naryǵyndaǵy máseleler qanshalyqty kúrdeli ekenin baıqadyq. Bul turǵyda baǵanyń kúrt ósýi jáne energııamen qamtamasyz etýdiń qıyndyqtary aıaq astynan bolýy múmkin. Biz atom energııasyna ınvestıtsııa salý nátıjesinde aýany lastaıtyn shyǵaryndylar azaıyp, energetıkalyq qaýipsizdik qamtamasyz etiledi dep sanaımyz», - dedi sarapshy.

Budan buryn habarlanǵandaı, Tım Ieo Ortalyq Azııanyń energetıka saıasatynda eleýli ózgeris bolýy múmkin ekenin aıtty.