Halyqaralyq konferentsııaǵa qatysýshylar Astananyń álemdegi róli týraly úndeý qabyldady
QR SІM-nen málim etkendeı, konferentsııany Astana qalasynyń ákimi Áset Isekeshev ashty. Іs-sharaǵa ártúrli ýaqytta Astanada ótken halyqaralyq kelissózder men bitimgershilik protsesterge qatysqan sheteldik saıasatkerler men sarapshylar qatysty. Olardyń arasynda Italııanyń burynǵy syrtqy ister mınıstri Franko Frattını, IYU-nyń 9-shy Bas hatshysy Ekmeleddın Ihsanoglý, ShYU burynǵy Bas hatshysy Muratbek Imanalıev, BUU Bas hatshysynyń Sırııa jónindegi arnaıy ókiliniń orynbasary Ramzı Ezzeldın Ramzı, Frantsııa, Japonııa, Italııa parlamentshileri, sarapshylar men dıplomattar bar.
«Astana zamanaýı, gúldengen Qazaqstannyń sımvolyna aınaldy jáne búkil eldiń damýy úshin basty flagman retinde áreket etýde. Bul, eń aldymen, Qazaqstan Respýblıkasynyń Tuńǵysh Prezıdenti - Elbasy Nursultan Nazarbaevtyń jeńisi», - dedi QR Syrtqy ister mınıstri Qaırat Ábdirahmanov.
Astananyń halyqaralyq róli týraly aıta otyryp, Syrtqy ister mınıstri: «Qazaqstan Prezıdenti barlyq kúsh-jigerin jumsap, óńirlik jáne jahandyq yntymaqtastyqty ornatý, kelispeýshilikter týyndaǵan taraptardy tatýlastyrý, kóshbasshylar arasyn jaqyndastyrý, halyqaralyq qaýipsizdik pen turaqtylyqty nyǵaıtý úshin kez kelgen múmkindikti jibermeıdi», - dep atap ótti.
Qatysýshylar 2010 jylǵy EQYU Sammıti, Álemdik jáne dástúrli dinder kóshbasshylarynyń sezderi, Sırııa jónindegi Astana protsesi, IYU, ShYU, TMD, UQShU, TMYK (Túrkitildes memleketter yntymaqtastyǵy keńesi), «EKSPO-2017» Halyqaralyq mamandandyrylǵan kórmesi sııaqty mańyzdy oqıǵalardyń murasyn talqylady.
Qatysýshylar shara sońynda qorytyndy qujat qabyldady.
«Osy oqıǵalardyń barlyǵynda Prezıdent Nursultan Nazarbaevtyń óńirlik jáne ǵalamdyq deńgeıde senimdilikti, qaýipsizdikti jáne ózara árekettestikti nyǵaıtýǵa baǵyttalǵan dáıekti saıasaty jatyr. Bul saıasat «Beıbitshilik. HHІ ǵasyr» dep atalatyn manıfestinde tujyrymdamalyq damýyn aldy. Onda adamzattyń «soǵys vırýsynan» máńgilikke qutylý qajettigi kórsetiledi. Memleketter arasyndaǵy barlyq daýlardy retteýdiń negizi beıbit dıalog pen beıbitshilik pen qaýipsizdikke, ózara syılastyq pen ishki isterge aralaspaýǵa teń jaýapkershiliktiń qaǵıdattaryna negizdelgen syndarly kelissózder bolýǵa tıis. Biz Eýrazııanyń júreginde ornalasqan zamanaýı, kórikti ári serpindi qala - Astana halyqaralyq beıbitshilikti, qaýipsizdikti jáne órkendeýdi qalyptastyrýda mańyzdy ról atqarýdy jalǵastyratynyna senim bildiremiz», - delingen onda.
Eýropalyq odaqtyń Ortalyq Azııa boıynsha arnaıy ókili Peter Býrıan konferentsııa qatysýshylary aldynda sóılegen sózinde Elbasy bastamashylyq etken Astanany qazaq dástúrleri men zamanaýılyqty úılestiretin Qazaqstannyń zamanaýı elordasy retinde qurý kórinisi qysqa ýaqytta ári sapaly túrde iske asyrylǵandyǵyn málimdedi. «Qysqa merzim aralyǵynda Astana ózin óńirlik jáne jahandyq máselelerdi sheshýge baǵyttalǵan birqatar bastamalar men jahandyq mańyzy bar is-sharalardy ótkizý orny retinde tanytty», - dedi P.Býrıan.
«Islam yntymaqtastyq uıymynyń damý jolyndaǵy belgili jetistikteri tikeleı Astanamen baılanysty, sondaı-aq bul Qazaqstan Respýblıkasynyń Prezıdenti Nursultan Nazarbaevtyń jeke yqylas tanytýy nátıjesinde júzege asyryldy. Prezıdent IYU-ǵa múshe elderdiń syrtqy ister mınıstrleriniń kezdesýinde jańǵyrtý men reformany HHІ ǵasyrdaǵy ıslam áleminiń negizgi qaǵıdalary retinde aıqyndaıtyn uıymnyń progressıvti qujattarynyń biri bolyp tabylatyn IYU Astana deklaratsııasynyń negizin qalady», - dep málimdedi IYU 9-hatshysy Ekmelledın Ihsanoglý.
Astana qalasy ákiminiń orynbasary Malıka Bektýrova, Varshavanyń vıtse-meri Vıtold Pal, Vınnıpeg Ýnıversıtetiniń professory Frank Albo, bıznesmender men ǵalymdar «Aqyldy qalalardyń» damýyna arnalǵan sessııa barysynda hab-qalalardyń ozyq tájirıbelerin qarastyrdy jáne ıntellektýaldy qalalyq tehnologııalardy engizý máselelerin talqylady.
