Halyqaralyq izdeý jarııalanǵan «Altyn orda» bazarynyń basshylary áli tabylǵan joq
«Altyn Orda QazTrade LTD» JShS basshylyǵy D.A Ábdiǵaparov jáne basqa qyzmetkerleri jasaǵan asa iri kólemde qarajat jymqyrý faktisi Qarasaı aýdandyq polıtsııa basqarmasynda tirkelgen. QR Qylmystyq kodeksiniń 190-babynyń 4-bóliginiń 2-tarmaǵy boıynsha sotqa deıingi tergep-tekserý júrip jatyr. Tergeý nátıjesi boıynsha 2022 jyldyń 17 qazanynda Qylmystyq is júrgizý kodeksiniń 45-baby 7-bóligi 3-tarmaǵy negizinde sotqa deıingi tergep-tekserý merzimi úzilip qaldy (kúdikti adamdardy izdeýge baılanysty)», - deıdi Almaty oblystyq polıtsııa departamenti bastyǵynyń orynbasary Arman Tilenshın.
Aıtýynsha, qazir departament qyzmetkerleri kúdiktilerdi anyqtaý jáne ustaý maqsatynda birqatar jedel izdestirý sharalaryn júrgizip jatyr
Ózge málimetter Qylmystyq is júrgizý kodeksiniń 201-babyna sáıkes jarııa etýge jatpaıdy.
Eske salsaq, osy jyldyń qańtarynda Almaty mańyndaǵy «Altyn orda» bazarynyń burynǵy basshylyǵyna halyqaralyq izdeý jarııalanǵan bolatyn.
Aıta keteıik, 1982 jyly týǵan Danııar Ábdiǵaparovqa, 1982 jyly týǵan Jumadın Patovqa, 1984 jyly týǵan Qanat Jaqaevqa, sonymen qatar 1986 jyly týǵan Aıdos Nurqalıevqa Qylmystyq kodekstiń 190-baby boıynsha halyqaralyq izdeý jarııalandy.
