Halyk bank qazaqstandyq krıptovalıýta týraly qaýesetke túsinikteme berdi
Halykcoin valıýtasy shyqqany týraly aqparat hat túrinde elektrondy poshtalarǵa búgin tańerteń keldi. Habarlamada jańa quraldyń senimdiligi men qaýipsizdigi aıtylǵan bolatyn.
Aqıqatyn QR Ulttyq bankine habarlasyp bildik.
«Ulttyq bankte tirkeýden ótken joq. Bul uıym Halyq bankine kire me joq pa, Halyq bankinen habarlasyp bilińizder», - dedi QR Ulttyq banki qarjylyq qyzmetti tutynýshylardyń quqyǵyn qorǵaý jáne syrtqy kommýnıkatsııalar basqarmasynyń basshysy Aleksandr Terentev.
Halyk banktiń ózinde bul qaýesetti joqqa shyǵardy. Banktiń mundaı ónimge eshqandaı qatysy joq.
«Bank mundaı krıptovalıýtanyń ataýynda Halyk brendin paıdalanýǵa jol bermeıdi. Bul ónimniń senimdiligine, qaýipsizdigine qatysty eshqandaı aqparat bere almaıdy. www.halykcoin.org ınternet-resýrsy belgisiz adamnyń atyna jazylǵan. Sondyqtan, bul jobanyń móldirligi kúmán týdyrady. Fýnktsıonaldyń kópshiligi jumys jasamaıdy. Sondyqtan, bul alaıaqtyqqa uqsaıdy», - dedi bank ókilderi.
Qarjy ınstıtýty Halyk/Halyk bank markasy alaıaqtyq maqsatynda paıdalanylǵan bolsa bank ókilderi quqyq qorǵaý organdaryna habarlaýǵa ázir.
Qarjylyq ınstıtýttar krıptovalıýtalarǵa qarjy salýda saqtyq kórsetýge keńes berip otyr. Eń aldymen krıptovalıýtalar naqty aktıvtermen kepildendirilmegen, Qazaqstan aýmaǵynda krıptovalıýta aınalymy zańmen belgilenbegendigin alǵa tartty.
