«Halyq arna» dinı-aǵartýshylyq baǵytqa basymdyq beredi

NUR-SULTAN. QazAqparat – «Asyl arnanyń» kontenti «Halyq arnaǵa» tolyq tapsyrylady. Osyǵan oraı tirnektep jınaǵan arhıvin «Halyq arnaǵa» beretin Muhametjan Tazabekovke rızamyz. Bul týraly Ortalyq kommýnıkatsııalar qyzmetinde ótken brıfıngide QMDB tóraǵasynyń orynbasary Ershat Ońǵarov aıtty, dep habarlaıdy QazAqparat tilshisi.

«Asyl arna» telearnasynyń dırektory Muhametjan Tazabekov osy týraly QMDB janyndaǵy ǵulamalar keńesiniń otyrysyna kelip málimdedi. Tirnektep jınaǵan kontenttik arhıvin «Halyq arnaǵa» tolyq tapsyratynyn aıtty. Muhametjanǵa osyndaı kemeńgerlik kórsetkeni úshin rızamyz», - deıdi QMDB tóraǵasynyń orynbasary Ershat Ońǵarov.

Sondaı-aq, «Halyq arna» telearnasynyń Bas dırektory Nurjan Darqulov arnadan qandaı baǵdarlamalar kórsetiletini týraly aıtty.

«Bul QMDB-nyń arnasy bolǵandyqtan, negizgi basymdylyq dinı-aǵartýshylyq baǵytqa jumsalady. Sonymen qatar, dástúr qundylyqtaryn, tarıh, mádenıet, din men dástúr sabaqtasqan, qabysqan mazmundaǵy baǵdarlamalar bolady. Sonymen qatar, bul arnadan ult aspaptar orkestiriniń kontsertteri, rýhanı keshter de kórsetiledi. Bul - dinı, mádenı, rýhanı, tarıhı baǵyttaǵy arna deýge bolady», - deıdi Nurjan Talasuly.

Eske sala ketsek, buǵan deıin ımamdar forýmynda QMDB qyzmetine jańa serpin beretin tujyrymdalyq qujattar qabyldanǵany týraly jazdyq.