Halyq aqyny Qonysbaı Ábil dúnıeden ozdy

ASTANA. QazAqparat - Qazaqstannyń Halyq aqyny, belgili aıtysker Qonysbaı Ábil kóz jumdy. Bul týraly Qazaqstan Jazýshylar odaǵynyń basqarma tóraǵasy Ulyqbek Esdáýlet málimdedi, dep habarlaıdy QazAqparat.

«Bul dúnıe ne bolyp ketti?! Astanadan tań bozymen taǵy bir aýyr habar jetti - arqaly aqyn Qonysbaı Ábil dúnıeden ótipti! Jalǵan-aı!..

Qazaqstannyń Halyq aqyny, ataqty aıtysker, alty Alashtyń ardaqtysy, sóz súleıi, saıypqyran satırık, qarymdy qalamger, til janashyry, ot aýyzdy, oraq tildi, segiz qyrly, bir syrly asyl azamat bul pánıden baqıǵa kóshipti!

Kókiregim qars aıyryla otyryp, marqumnyń otbasyna, aıaýly aqynyn qadirleıtin halqymyzǵa kóńil aıtamyn. Baqul bol, dosym! Janyń jannatta bolsyn!» - dep jazdy Ulyqbek Esáýlet.