Halqyma paıdamdy tıgizgim keledi – memqyzmetshi
– Rızabek Qýanyshbekuly, nelikten memlekettik qyzmetti tańdadyńyz?
– Meniń basty ómirlik maqsattarymnyń biri – elge abyroıly qyzmet etip, halqyma paıdamdy tıgizý bolatyn. Sol sebepti, Reseıde oqýymdy támámdaǵan soń, reseılik jumys berýshilerdiń usynystaryna qaramastan, bar kúsh-qýatym men bilimimdi Otanymnyń ıgiligine jumsaý úshin elge oraldym. Osylaısha, memlekettik qyzmetshiler qataryna qosyldym.
– Memlekettik qyzmetti neden bastadyńyz?
– Memlekettik qyzmetke degen jolymdy jastar tájirıbesinen bastadym. Men bul tájirıbeni Qazaqstan Respýblıkasy Memlekettik qyzmet isteri agenttiginiń Aqmola oblysy boıynsha departamentinde óttim. Ol jerde men memlekettik qyzmettiń negizderin úırendim dep aıtýǵa bolady. ıAǵnı, memlekettik qyzmetshilerdiń etıkalyq kodeksi, memlekettik qyzmetshi qandaı bolýy kerek, memlekettik qyzmetterdi sapaly jáne ýaqytyly kórsetý, tutynýshyǵa nazar aýdarý sııaqty salanyń qyr-syryna qanyqtym.
– Memlekettik qyzmet Sizge nesimen unaıdy?
– Memlekettik qyzmet – halyqqa qyzmet etý, sondyqtan men – halyqtyń qyzmetshisimin. Bir apta buryn maǵan talapkerdiń anasy qońyraý shalyp, kolledjge qabyldaý barysyn túsindirýdi surady. Azamattyń kádimgi keńesi, áńgimesi 5 mınýttan aspaıtyn sııaqty kóringenimen, qarapaıym, biraq óte shynaıy «Rahmet» degen jaýap alǵan soń, men sol «paıdaly» sezimdi taǵy da sezindim. Sol sebepti maǵan memlekettik qyzmet unaıdy, men azamattarǵa jan-jaqty kómek kórsete alamyn.
– Búgingi kúni qandaı qyzmet atqarasyz?
– Jastar tájirıbesin aıaqtaǵan soń memlekettik tildi, Qazaqstan Respýblıkasynyń zańnamasyn bilýge arnalǵan testileýden sátti óttim. 2018 jyldan bastap Aqmola oblysynyń bilim basqarmasynda, tehnıkalyq jáne kásiptik, orta bilimnen keıingi bilim berý bóliminde qyzmet etip kelemin. Jumys atqarǵanyma bir jyl tolmaı, Italııanyń Týrın qalasynda álemniń 26 eliniń ókilderi qatysqan halyqaralyq jıynda óz elimdi tanystyrý qurmetine ıe boldym.
Men árqashan óz tarapymnan jumysqa jaýapkershilikpen qaraýǵa, bastamashyldyq pen maksımaldylyqty kórsetýge tyrysamyn, óz kezeginde basshylyq meni sertıfıkattarmen, alǵys hattarmen jáne qurmet gramotasymen yntalandyryp keledi.
– Qyzmetińiz nesimen qyzyqty jáne qıyndyqtarǵa tap bolǵan kezderińiz boldy ma?
– Elimizdiń tabysty damýynyń negizgi faktory – bilim sapasy. Tehnıkalyq jáne kásiptik, orta bilimnen keıingi bilim berý júıesiniń bedeli men tıimdiligin arttyrýǵa, bilim berý men eńbek naryǵynyń ózara árekettesýin nyǵaıtýǵa, dýaldi oqytýdyń tıimdiligin arttyrýǵa óz úlesimdi qosatyn múmkindigim bolǵanyna óte qýanyshtymyn. Árıne, qıyndyqtar bar, biraq ony sátti jeńý úshin men árqashan memlekettik qyzmetshi retinde jańa bilim, daǵdylardy alýǵa, quzyrettilikterdi, jeke qasıetterdi damytýǵa tyrysamyn.
2019 jyly «Quqyqtaný» mamandyǵy boıynsha joǵary bilim týraly ekinshi dıplomǵa ıe boldym. 2021 jyly «Óńirlik damý» baǵdarlamasy boıynsha Qazaqstan Respýblıkasy Prezıdentiniń janyndaǵy Memlekettik basqarý akademııasyn bitirdim.
Memleket basshysy Qasym-Jomart Toqaev «Jastar – aldaǵy reformalardyń lokomotıvi» dep únemi basa aıtyp, memlekettik basqarý júıesine jas mamandardy usynýdy kózdeıdi. Bul meni qatty shabyttandyrady. Men óz aımaǵymnyń jáne tutastaı Respýblıkanyń damýyna úles qosý múmkindigim kóp bolýy úshin, memlekettik qyzmette úzdiksiz damyp, mansap satysymen joǵary kóterilýge nıettimin.
– Áńgimeńizge rahmet!
