Halyqaralyq baıqaýshylar Almatydaǵy referendýmǵa óz baǵasyn berdi

ALMATY. KAZINFORM – TMD elderinen kelgen halyqaralyq baıqaýshylar D.Snegın atyndaǵy №30 mektep-gımnazııasynda ornalasqan №383 saılaý ýchaskesinde boldy.

Aıtýlarynsha, AES-ti salý máselesi boıynsha daýys berý protsesi Qazaqstan zańnamasyna sáıkes júrip jatyr.

Baıqaýshylar arasynda Ázerbaıjan, Belarýs, Qyrǵyzstan, Reseı, Tájikstan, Ózbekstan elderinen akkredıttelgen tulǵalar, sondaı-aq TMD Atqarý komıtetiniń ókilderi bar.

«Baıqaýshylar daýys berýge kelýshilerdiń óte belsendi ári kóńil-kúıleri kóterińki ekenin kórip, referendýmnyń uıymdastyrý jumysyna joǵary baǵa berdi», - dep atap ótti Almaty Qoǵamdyq keńesiniń múshesi Rafael Gasanov.

Eske salaıyq, TMD elderinen kelgen baıqaýshylar (74 adam) elimizdiń 9 óńirindegi daýys berý ýchaskelerinde júr. Olar Aqmola, Shyǵys Qazaqstan, Batys Qazaqstan, Mańǵystaý, Túrkistan oblysy jáne Astana, Almaty men Shymkent qalasy.

Osyǵan deıin TMD elderi atynan kelgen halyqaralyq baıqaýshy Leonıd Anfımov atom elektr stantsııasyn salý boıynsha respýblıkalyq referendýmnyń ótý barysyna qatysty pikir bildirgen bolatyn.