Ádilet mınıstrligi: Halyq zańsyzdyqqa bir batyrmamen shaǵymdana alady
ASTANA. KAZINFORM — Ádilet mınıstrligi onlaın-qyzmetterdi qarqyndy damytyp, elektrondyq formatta memlekettik qyzmetter spektrin keńeıtip jatyr, dep habarlaıdy vedomstvonyń baspasóz qyzmeti.
Prezıdenttiń 2024 jylǵy Joldaýy: sot tóreliginiń qol jetimdi bolýy jáne quqyqtyq aǵartýshylyq Memleket basshysy Qasym-Jomart Toqaevtyń «Ádiletti Qazaqstan: zań men tártip, ekonomıkalyq ósim, qoǵamdyq optımızm» atty Qazaqstan halqyna Joldaýyn jáne ózge de tapsyrmalaryn júzege asyrý sheńberinde halyqtyń quqyqtyq saýatyn arttyrý boıynsha jumystar júrip jatyr.
Azamattarǵa tsıfrlyq platformalar arqyly sottar men memlekettik organdarǵa júginýge múmkindik beriledi, bul bıýrokratııalyq júktemeni azaıtady jáne ýaqytty únemdeıdi. Halyq arasynda aǵartýshylyq jumys júrgizý mańyzdy mindet bolyp qala beredi. Quqyqtyq mádenıetti nyǵaıtýǵa baǵyttalǵan aktsııalar men bilim berý naýqandary únemi ótkizilip turady, bul qoǵamda zań men memlekettik ınstıtýttarǵa degen qurmetti qalyptastyrady.
— Eger buryn zańsyz áreketterdi dáleldeý jáne barlyq ınstantsııalardan ótý qajet bolsa, endi atqarýshylyq is-qımyldardyń ashyqtyǵy men tsıfrlyq sheshimderdiń múmkindikteri esebinen belgilengen rásimderdiń buzylýy birden anyqtalatyn bolady. Al azamattar zańsyz áreketke tikeleı júıeniń ishinde «bir batyrma» arqyly shaǵymdana alady, — dedi Erlan Sársembaev.
Buǵan deıin habarlanǵandaı, Ádilet mınıstrligi tsıfrlyq sot oryndaýshy júıesiniń alǵashqy nátıjelerin tanystyrdy.