Halyq qaharmandary paradty tamashalap otyr
ASTANA. KAZINFORM — Elordada Jeńistiń 80 jyldyǵyna oraı ótip jatqan áskerı paradta halyq qaharmandary, soǵys batyrlarynyń urpaqtary men qazaqstandyq ǵaryshkerler qurmetti qonaq boldy.
Aıta keteıik, búginde elimizde 105 soǵys ardageri bar. Onyń ishinde Astana, Almaty, Qaraǵandy, Qostanaı, Óskemen jáne Qosshy qalasynan soǵys ardagerleri paradqa arnaıy kelip qatysyp otyr.
Odan bólek, halyq qaharmandary Muhtar Altynbaev, Sát Toqpaqbaev, Baqytjan Ertaev, Qaırat Úmbetov, Azamat Jumadilov paradtyń qurmetti qonaǵy boldy.
Sondaı-aq, soǵys batyry Saǵadat Nurmaǵambetovtyń qyzy Aısulý Nurmaǵambetova, Ivan Panfılovtyń nemeresi Alýa Baıqadamova arnaıy keldi.
Sonymen qatar qazaqstandyq ǵaryshkerler Toqtar Áýbákirov, Talǵat Musabaev jáne Aıdyn Aıymbetov qurmetti qonaq bolyp otyr.
Astanada áskerı parad ótip jatyr. Іs-sharaǵa Memleket basshysy Qasym-Jomart Toqaev qatysyp otyr.
Oǵan elordadaǵy paradqa el óńirlerinen soǵys ardagerleri keldi.