Ǵylymǵa salynǵan ınvestıtsııa kólemi ósýde
Saıttyń málimeti boıynsha, kásibı, ǵylymı jáne tehnıkalyq qyzmetke salynatyn ınvestıtsııa kólemi qańtar-sáýir aralyǵynda 15,9 mlrd teńge bolǵan. Bul 2021 jylǵy kórsetkishten 62,6% kóp.
«Salaǵa salynǵan qarjynyń teń jartysynan astam negizinen úsh óńirge tıesili. Bul kórsetkish boıynsha Nur-Sultan qalasy birinshi orynda, Almaty ekinshi orynda tur. Elordada ǵylymǵa salynǵan ınvestıtsııa bir jyldyń ishinde 2 ese ósse (3,3 mlrd teńge), Almatyda byltyrǵy kúıinde qalǵan (2,8 mlrd teńge).
Alǵashqy úshtikte Qyzylorda oblysy túıindep tur. Bir jylda bul óńirde ǵylymǵa bólingen qarjy 3 ese artyp, 2,6 mlrd teńge bolǵan», - dep jazady Finprom.kz. Al Qostanaıda ǵylymǵa arnalǵan bıýdjet bir jylda 8 ese ósip, 2,6 mlrd teńgege jetken.
«Osynsha qarjynyń negizgi kózi – kásiporyndardyń ózi. Olardyń qańtar-sáýir aralyǵynda ǵylymǵa salǵan ınvestıtsııasy 14,6 mlrd teńge boldy. Odan keıin banktermen basqa da qarjy ınstıtýttarynan alǵan nesıe, boryshtar tur – sáıkesinshe 1,257 mlrd jáne 157,1 mln teńge. Jergilikti bıýdjetterden 4 aıda ǵylymǵa 56,6 mln teńge ǵana bólind», - dep jazylǵan materıalda.
Buǵan deıin Ádilet Júnisuly Toıbaev Ǵylym komıtetiniń tóraǵasy bolyp taǵaıyndalǵanyn jazǵan edik.