Gýmanızatsııa týraly jańa zańnyń asa aýyr qylmys jasaǵandarǵa sharapaty tımeıdi

ALMATY. QazAqparat - Almatyda ákimdikte ótken qoǵamdyq keńes músheleri men ІІD qyzmetkerleriniń otyrysynda Almaty prokýrory Berik Júıriktaev Gýmanızatsııa týraly jańa zańǵa túsinikteme berdi, dep habarlaıdy QazAqparat tilshisi.

Jańa zań QR qylmystyq-protsessýaldyq zańnamasyn izgilendirýge baǵyttalǵan. 

Qala prokýrory Berik Júıriktaev asa aýyr qylmys - terrorızm, ekstremızm, adam óltirý, adam zorlaý, qınaý sııaqty qylmys jasaǵandarǵa izgilendirý týraly zańnyń sharapaty tımeıtinin aıtty. 

Odan basqalarǵa balama jaza retinde qoǵamdyq jumystar qarastyrylady. Sottalǵandar kóshelerdi abattandyryp, kógaldandyryp, qoǵamǵa paıdasyn tıgizetin bolady. 

Sonymen qatar, Júıriktaev probatsııa qyzmeti sottalǵandardy qaıta áleýmettendirý baǵytynda naqty ári anyq jumys atqarýy tıistigin aıtty.