«Gúlder» ansambliniń 55 jyldyq mereıtoıyna arnalǵan gala-kontsert ótti
ASTANA. KAZINFORM – Roza Baǵlanova atyndaǵy «Qazaqkontsert» memlekettik akademııalyq kontserttik uıymy «Gúlder» ansambliniń 55 jyldyq mereıtoıyna arnalǵan gala-kontsert boldy.

Mádenıet jáne aqparat mınıstrligi baspasóz qyzmetiniń málimetinshe, kontsert baǵdarlamasynda arnaıy ázirlengen eksklıýzıvti aspaptyq-horeografııalyq qoıylymdar men jańa horeografııalyq kompozıtsııanyń tusaýkeseri, avtorlyq ánder, tanymal ártister men utymdy kollaboratsııa jáne klassıkalyq ónerdiń jańa ınterpretatsııasy usynyldy. Sondaı-aq ańyzǵa aınalǵan ártister men jas talanttar bir sahnada óner kórsetti.

Іs-sharada QR Mádenıet jáne aqparat mınıstri Aıda Balaevanyń quttyqtaý haty oqyldy.
- Jarty ǵasyrdan astam ýaqyt ishinde óner ujymy qazaq mádenıetiniń jaryq juldyzyna aınalyp, ulttyq ónerdi álemge tanytýda mańyzdy ról atqardy. Sizder halyqtyq bı óneriniń eń úzdik dástúrlerin saqtap, ony urpaqtan-urpaqqa jetkizip kelesizder. Qazaq mádenıetiniń ajyramas bóligi retinde ansambl Qazaqstan estradasynyń damýyna zor úles qosty. Búgingi tańda «Gúlder» ansambli tek Qazaqstanda ǵana emes, halyqaralyq deńgeıde de keńinen tanylyp, óziniń erekshe oryndaýshylyq sheberligimen moıyndalýda. Sizderdiń sahnadaǵy árbir óner kórsetý erekshelikterińiz kórermenderge estetıkalyq lázzat syılap, qazaq mádenıetiniń baı murasyn kórsetip, onyń mańyzdylyǵyn aıqyndaıdy, - delingen quttyqtaý hatta.

Іs-sharaǵa Qazaqstannyń halyq ártisi, qazaq estradasynyń jaryq juldyzy Roza Rymbaeva, Qazaqstannyń eńbek sińirgen ártisi Aıjan Nurmaǵambetova, Qazaqstannyń eńbek sińirgen qaıratkeri Aıgúl Elshibaeva, «Daryn» memlekettik jastar syılyǵynyń laýreattary Álibek Álmadıev, Ádilhan Makın, respýblıkalyq jáne halyqaralyq baıqaýlardyń laýreattary Mádı Rymbaev, Qýandyq Shalqaruly, Merýert Bahyt, «Astana sazy» qazaq memlekettik folklorlyq ansambli, «Astana musical» memlekettik teatry, «TURAN» etno-folklorlyq ansambli, «Samǵa» toby jáne «Gulder» ansambli qatysty.

Belgili qazaqstandyq ánshiler Janar Duǵalova, ARO jáne tanymal qazaqstandyq qobyzshy Oljas Qurmanbek mereıtoılyq kontsertte kórermender úshin arnaıy óner kórsetip, keshiniń kórkin qyzdyrdy. Ansambldiń bas baletmeısteri - Anvara Sadyqova, kórkemdik jetekshisi – Abzal Ósimbaev.

Mádenıet jáne aqparat mınıstrliginiń atynan shyǵarmashylyq ujymǵa yqylas gúli tartý etildi.

«Gúlder» ansambli Túrkııadaǵy Naýryz festıvalinde óner kórsetkenin jazǵan bolatynbyz.
