Grýzııanyń 24 azamatynan turatyn alaıaqtar toby ustaldy - ІІM
«Internet-alaıaqtyq qylmystaryn anyqtaýǵa jáne ashýǵa, sondaı-aq uıymdastyrýshylar men qatysýshylardy ustaýǵa baǵyttalǵan is-sharalar keshenin iske asyryp jatyrmyz. Mysaly, Almaty qalasynda kıberqylmysqa qarsy kúres bóliminiń qyzmetkerleri jedel-izdestirý is-sharalaryn júrgizý barysynda ınternet-alaıaqtardyń koll-ortalyǵyn anyqtady. Júrgizilgen operatsııa barysynda Grýzııa Respýblıkasynyń 24 azamatynan turatyn top ustaldy», - dedi ortalyq bastyǵy mınıstrliktiń baspasóz qyzmeti alańynda ótken brıfıngte.
Sonymen qatar ol Astana qalasynda kıberqylmyspen kúres bóliminiń qyzmetkerleri birqatar ınternet-alaıaqtyq jasaǵan Ekibastuz qalasynyń týmasy ustady. Ol Instagram áleýmettik jelisinde tómen baǵamen ton satý týraly habarlandyrý jarııalaǵan. Kúdiktiniń 26 qylmysqa qatysy anyqtaldy. Keltirgen jalpy shyǵyny - 4,2 mln teńge. Al Shymkentte polıtsııa qyzmetkerleri ınternet-alaıaqtyq jasaǵan topty ustady.
«Atalǵan adamdar Health Time farmatsevtıkalyq kompanııanyń klıenttik bazasyn urlap, olardyń klıentterine qońyraý shalyp, avtokólik utqany týraly habarlaǵan. Azamattarǵa «1H bet» býkmekerlik kompanııasynyń shottaryna aýdarylǵan salyqtardy tóleý usynylǵan. Qazirgi ýaqytta 20 jábirlenýshi anyqtaldy. Alaıaqtardyń basqa qurbandaryn anyqtaý jumystary júrgizilýde. Atalǵan faktiler boıynsha tergeý júrgizilip jatyr», - dedi Jandos Súıinbaı.
