Grýzııanyń eks-prezıdenti Tbılısıdegi úkimetke qarsy mıtıngke qatysty

ASTANA. KAZINFORM – Oppozıtsııa úkimettiń otstavkasyn jáne merziminen buryn saılaý ótkizýdi talap etti. Aktsııaǵa birneshe júz adam, sonyń ishinde Grýzııanyń eks-prezıdenti Salome Zýrabıshvılı qatysty, dep habarlaıdy TASS.

Tbılısıde ótken úkimetke qarsy mıtıng parlamenttik saılaýdyń ótkenine bir jyl tolýyna oraı uıymdastyryldy. Oppozıtsııa jaqtastary Respýblıka alańynda jınalyp, Rýstavelı dańǵylyndaǵy parlament ǵımaratyna deıin sherý jasady.

Narazylardyń aıtýynsha, 2024 jylǵy 26 qazandaǵy saılaý burmalanǵan jáne halyqtyń erkin bildirmeıdi. Olar úkimettiń otstavkasyn, merziminen buryn saılaý ótkizýdi jáne ótken jylǵy narazylyqtar kezinde ustalǵandardy bosatýdy talap etti.

Demonstranttar Grýzııa, AQSh jáne NATO týyn ustap shyqqan. Aktsııaǵa eldiń burynǵy prezıdenti Salome Zýrabıshvılı de qosyldy. Tilshilerdiń habarlaýynsha, mıtıng beıbit ótti, polıtsııa qaýipsizdik sharalaryn kúsheıtpedi.

Resmı derekterge sáıkes, «Grýzın armany — Demokratııalyq Grýzııa» atty bıleýshi partııa 53,93% daýys jınap, parlamenttegi 150 orynnyń 89-yn ıelengen. Al 5%-dyq mejeden ótken oppozıtsııalyq partııalar saılaý nátıjesin moıyndamaı, burmalaý bolǵanyn málimdegen.

Aıta ketelik Grýzııanyń burynǵy premer-mınıstri zańsyz paıda tapqanyn moıyndaǵan edi.